عوام کی سہولت اور تحفظ کو مدنظر رکھتے ہوئے اسلام آباد ٹریفک پولیس (ITP) نے پبلک ٹرانسپورٹ کی گاڑیوں کے خلاف ایکشن لیا ہے، ET نے بتایا۔
تفصیلات کے مطابق اتھارٹی نے گزشتہ دو ماہ میں پبلک سروس کی ان گاڑیوں (PSVs) کو جرمانے کیے ہیں کہ جو اوور لوڈنگ اور لوگوں سے زیادہ کرایہ لینے میں ملوث پائی گئیں۔ میڈیا سے بات کرتے ہوئے ٹریفک پولیس SSP فرخ رشید نے زور دیا کہ گزشتہ دو ماہ میں 12,205 PSVs کو جرمانے کیے گئے۔
مزید برآں، SSP نے پولیس افسران کو ہدایت کی کہ وہ اپنی ذمہ داریاں پوری دیانت داری سے مؤثر انداز میں ادا کریں۔ ہم یہاں عوام کو تحفظ فراہم کرنے اور قانون نافذ کرنے کے لیے موجود ہیں، انہوں نے مزید کہا۔
مزید یہ کہ ITP ان موٹر سائیکل سواروں کے خلاف بھی سخت کارروائی کر رہی ہے جو موٹر سائیکل چلاتے ہوئے ہیلمٹ نہیں پہنتے اور ساتھ ہی کرتب دکھانے اور ون ویلنگ کرنے والے کم عمر افراد کے خلاف بھی قدم اٹھا رہی ہے۔ اتھارٹی ہیلمٹ نہ پہننے والے 1,55,570 موٹر سائیکل سواروں اور 2,996 کم عمر ڈرائیوروں کو ٹکٹ جاری کر چکی ہے۔ پولیس کے ایک عہدیدار نے بتایا کہ مہم انسپکٹر جنرل آف پولیس اسلام آباد محمد عامر ذوالفقار کی ہدایت پر شروع کی گئی کہ جنہوں نے ٹریفک قوانین توڑنے والوں کے خلاف سخت کارروائی کا حکم دیا تھا۔
اتھارٹی نے جنوری 2019ء کے دوران 64,835 ٹکٹس جاری کرکے 1.9 ملین روپے کا ریونیو بھی اکٹھا کیا۔ SSP (پولیس) فرخ رشید نے میڈیا کو بتایا کہ ڈپارٹمنٹ قانون کے نفاذ کے لیے متعدد اسکواڈز میدان میں اتار چکا ہے۔ ٹریفک پولیس ٹریفک قواعد و ضوابط کی پیروی کرنے کے لیے شہریوں میں شعور اجاگر کرنے کی مہمات بھی چلا رہی ہے۔
وفاقی دارالحکومت کے موجودہ ٹریفک مسائل کے بارے میں آپ کیا کہتے ہیں؟ اپنی رائے نیچے تبصروں میں پیش کیجیے۔
