ماسٹر موٹرز، جن کا چینی شراکت دار چنگن آٹوموبائلز ہے، اپریل 2019ء سے مقامی صارفین کے لیے پاکستان میں وینز اور مسافر گاڑیاں اسمبل کرنے کے لیے تیار ہے، ایک مقامی میڈیا ادارے نے بتایا۔
ایک صنعتی تجزیہ کار کے مطابق کمپنی پہلے ہی اپنی گاڑیوں کی پیشگی بکنگ حاصل کر چکی ہے اور نان-فائلرز پر پابندی کے خاتمے کے ساتھ ہی یہ بہترین وقت ہے کہ گاڑیوں کی اسمبلی شروع کی جائے۔ مزید برآں، ملک میں گاڑیاں درآمد کرنے پر نئی سخت پابندیوں کی وجہ سے نئے آٹومیکرز کے لیے فروخت کا امکان بہت بڑھ گیا ہے۔
حکومت کی جانب سے گرین فیلڈ انوسٹمنٹ اسٹیٹس ملنے کے بعد ماسٹر موٹرز نے 29 جون 2018ء کو چنگن موٹرز کے ساتھ شراکت داری کے معاہدے پر باضابطہ دستخط کیے۔ چنگن آٹوموبائل ایک چینی آٹومیکر ہے اور چین میں اعلیٰ درجے کی SUVs اور سیڈانز تیار کرنے کے لیے مشہور ہے۔ مزید برآں، جوائنٹ وینچر مقامی آٹو انڈسٹری میں 100 ملین امریکی ڈالرز کی سرمایہ کاری بھی کرے گا۔
وینز اور مسافر گاڑیوں کے علاوہ جوائنٹ وینچر مستقبلِ قریب میں SUV بھی اسمبل کرے گا۔ وہ مقامی صارفین کے لیے گاڑیاں بنانے کا ہدف ہی نہیں بلکہ بین الاقوامی صارفین کے لیے بھی تیار کرنے کا منصوبہ بھی رکھتے ہیں۔ گاڑیاں کمپنی کے پلانٹ بھی تیار کی جائیں گے جو پورٹ قاسم، کراچی میں واقع ہے۔ یہ سالانہ تقریباً 30,000 گاڑیاں بنانے کی گنجائش کا حامل ہے۔
واضح رہے کہ کمپنی پہلے ہی مقامی آٹو صنعت میں گزشتہ سال اپنی CBU پِک اپ اور ایک MPV متعارف کروا چکی ہے۔ PakWheels.com سے بات کرتے ہوئے ماسٹر موٹرز کے CEO دانیال ملک نے کہا کہ وہ پرامید ہیں کہ یہ چنگن مصنوعات مقامی آٹو انڈسٹری میں بہترین کارکردگی پیش کریں گی کیونکہ یہ کہیں زیادہ خصوصیات کے ساتھ اور مناسب قیمت پر بہترین گاڑیاں فراہم کر رہی ہیں۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
