امریکا میں شروع ہونے والے ڈیٹرائیٹ آٹو شو کے پہلے ہی روز مرسڈیز نے ای-کلاس 2017 پیش کردی۔ نئی ای-کلاس دیکھنے میں پہلے سے کہیں زیادہ بہتر اور بہت سے نقائص سے پاک نظر آتی ہے۔
نئی مرسڈیز ای –کلاس کے اندرونی حصے میں آپ کو لکڑی کا بنا ہوا ڈیش بورڈ ملے گا جس میں کئی جگہوں پر میٹل کا بھی کام کیا گیا ہے۔ اس حصے کے لیے آپ 64 مختلف ہلکے رنگوں میں سے کسی بھی رنگ کا انتخاب کرسکتے ہیں۔ علاوہ ازیں مرسڈیز کا جانا پہچانا انداز بھی اس کا حصہ ہے جس میں شامل ڈیول –اسکرین ڈسپلے کو بنیادی معلومات دیکھنے اور تفریحی سرگرمیوں کے لیے استعمال کیا جاتا ہے۔
یہ بھی پڑھیں: مرسڈیز ای-کلاس 2017 باضابطہ اجراء سے قبل ہی منظر عام پر آگئی
ای –کلاس میں اور بھی بہت سی دلچسپ خصوصیات شامل ہیں۔ اسٹیئرنگ ویل میں سوائپ (swipe) فنکشن نہیں ہے جیسا کہ آپ کے اسمارٹ فون میں ہوتا ہے۔ ڈیول اسکرین، جس کا ذکر ہم نے پہلے بھی کیا، تمام ای-کلاس رینج میں شامل ہے اور تمام معلومات ظاہر کرتی ہے۔ اس کے علاوہ خود کار بریک اور ڈرائیور کو مطلع کرنے کا نظام بھی قابل ذکر خصوصیات میں سے ایک ہے۔
پاک ویلز کے ذریعے مرسڈیز ای-کلاس پاکستان منگوائیں
آج مختصر انجن کا دور دورہ ہے اور اسی لیے امریکا میں ای-کلاس 2017 کو 2 ہزار سی سی ٹربو چارجڈ چار-سلینڈر انجن کے ساتھ پیش کیے جانے کی اطلاعات ہیں۔ یہ انجن 241 ہارس پاور رفتار اور 273 پاؤنڈ ٹارک فراہم کرتا ہے۔ یہ قوت 9جی-ٹرانک 9 اسپیڈ خود کار ٹرانسمیشن کی جانب منتقل ہوتی ہے۔ البتہ یورپ میں پیش کی جانی والی ای-کلاس میں پلگ-ان E350e، E220d اور ایک E400 لگائے جانے کی توقع ہے۔ اس کے علاوہ E63 اے ایم جی بھی تیار کی جائے گی۔ ممکن ہے پاکستان میں ان یورپی ای-کلاس میں سے کوئی حاصل کرسکے تاہم یہ کہنا مشکل ہے کہ زیادہ مقبولیت کسے حاصل ہوگی۔
