پاکستان ایسوسی ایشن آف آٹوموٹِو پارٹس اینڈ ایسیسریز مینوفیکچررز (PAAPAM) ایکسپو سینٹر، کراچی میں 12 اپریل 2019ء سے ایک سہ روزہ آٹو پارٹس شو منعقدکر رہا ہے۔
یہ ایونٹ کہ جس کا شدت سے انتظار کیا جا رہا ہے ، تمام مقامی و غیر ملکی اداروں کے لیے اپنی پروڈکٹس کی نمائش کرنے کا خاص موقع فراہم کرتا ہے۔ یہ پاکستان میں آٹو پارٹس فراہم کرنے والے اور سروس پرووائیڈرز کا سب سے بڑا اجتماع ہے پاکستان کی مقامی صنعت کے مختلف اسٹیک ہولڈرز اس گرینڈ ایونٹ میں شرکت کر رہے ہیں جن میں مشینری اور خام مال فراہم کرنے والے اور مشترکہ صنعتی و خدمات فراہم کرنے والے شامل ہیں۔ آٹو شو میں گاڑیوں کی بڑی ورائٹی پیش کرنے کی بھی امید ہے۔ یہاں مسافر گاڑیاں، SUVs، لائٹ کمرشل گاڑیاں، موٹر سائیکلیں، رکشے، ٹریکٹرز، بسیں اور ٹرکس ہوں گے۔ مزید یہ کہ مختلف کلاسک اور ایگزوٹِک کاریں بھی ایونٹ میں رونق لگائیں گی۔ اس میں متعدد کمپوننٹ مینوفیکچررز بھی پیش ہوں گے جو کاسٹنگ، پلاسٹک، ربڑ، فورجنگ، میٹل شیٹس وغیرہ کے حوالے سے کام کرتے ہیں۔
پاک سوزوکی ممکنہ طور پر اپنی نئی 660cc آلٹو ڈسپلے کے لیے پیش کرے گا۔ آٹو مینوفیکچرر اگلے ہفتے سے آلٹو کی کمرشل پیداوار شروع کرنے کے لیے تیار ہے تاکہ مشہورِ زمانہ 800cc مہران کی بندش کے بعد پیدا ہونے والے خلاء کو پُر کرے۔ ذرائع کے مطابق پاک سوزوکی اپنے وینڈرز کو پارٹس کی سپلائی کا شیڈول پہلے ہی پیش کر چکا ہے اور پارٹس کے آرڈرز فراہم ہونا شروع ہو گئے ہیں۔ جہاں تک آلٹو کی تعارفی قیمت کا سوال ہے تو امریکی ڈالر کے مقابلے میں پاکستانی روپے کی گھٹتی ہوئی قدر نے کمپنی پر کافی دباؤ ڈال رکھا ہے۔
مزید یہ کہ کمپنی کے نئے ماڈل میں استعمال میں مقامی پارٹس کا معاملہ بھی اب تک واضح نہیں ہے۔ لیکن چند وینڈرز کے مطابق گاڑی کی اسمبلنگ کا آغاز کم از کم 50 فیصد مقامی پرزوں کے ساتھ ہوگا۔ پاکستان میں مہران جیسی چھوٹی گاڑیوں نے پارٹس کی لوکلائزیشن کی بلند سطح (70 فیصد تک) کے ذریعے مضبوط وینڈر بنیاد بنانے میں اہم کردار ادا کیا۔ اس لیے انہیں سہولت دینے کے لیے پاک سوزوکی نے تقریباً 80 فیصد مہران وینڈرز کو نئی آلٹو کے پارٹس کی تیاری میں شامل کیا ہے۔ اس کے علاوہ پاکستان میں اپنے مستقبل کو طے کرنے کے لیے آلٹو کی قیمت بھی ایک اہم عنصر ہے، کہ جہاں مارکیٹ میں نئے ادارے بھی داخل ہو رہے ہیں۔
کئی معروف بینک، انشورنس اور فائنانس کمپنیاں بھی پاکستان آٹو پارٹس شو 2019ء میں اپنی خصوصی سروسز اور اپنے ناقابلِ تردید مالیاتی سودوں کے ساتھ موجود ہوں گی۔ یہ اسٹیک ہولڈرز کے لیے اپنی پروڈکٹس اور سروسز کے ذریعے مقامی آٹو سیکٹر میں اپنی صلاحیتیں ظاہر کرنے کا شاندار موقع ہے۔
اگر آپ کراچی میں ہونے والے اس شو میں شرکت کر رہے ہیں تو پاک ویلز آپ کے فیڈبیک میں بہت دلچسپی رکھتا ہے۔ آٹوموبائل انڈسٹری کی مزید خبروں کے لیے پاک ویلز پر آتے رہیے۔
