PakWheels.com پاکستان کی آٹوموبائل انڈسٹری کے عام رحجانات کے بارے میں جاننے کے لیے گزشتہ کئی سالوں سے آٹوموبائل انڈسٹری سروے کر رہا ہے اور 2018ء میں بھی پاکستان کے نمبر 1 اور معروف آٹوموٹِو پورٹل PakWheels.com نے ایک مرتبہ پھر آٹوموبائل انڈسٹری سروے کیا۔ یہ مکمل طور پر صارفین کے تجربات پر مبنی تھا۔
یہ ہمیں پاکستان میں دستیاب مختلف برانڈز کے بارے میں عوامی نقطہ نظر دیتا ہے۔ مزید یہ کہ آٹوموبائل انڈسٹری سروے 2018ء نے ہر عمر، ہر قسم کے شعبے اور مختلف آمدنی رکھنے والے پاکستانیوں کی پسند اور ترجیحات کو بھی ظاہر کیا ہے۔
ہمارا ماننا ہے کہ یہ آٹو سرویز مقامی آٹو مینوفیکچررز کو اپنے برانڈز کو صارفین کی ترجیحات کے مطابق تبدیل کرنے میں مدد دیں گے اور صارفین کی ضروریات کے مطابق پالیسیاں بنانے کے لیے ان برانڈز کے لیے رہنما بھی بنیں گے۔ واضح رہے کہ انڈسٹری سروے کے تمام نتائج کا اعلان آئندہ چند دنوں میں ہوگا، اس لیے تمام نتائج جاننے کے لیے آتے رہیے گا کہ کس نے سال کی بہترین گاڑی کا ایوارڈ جیتا، کون سا کار برانڈ بہترین قرار دیا گیا وغیرہ۔
سروے میں حصہ لینے والے افراد کے لیے ایک انعام بھی تھا اور وہ تھا گلیکسی نوٹ9 جیتنے کا ایک موقع۔ سروے میں حصہ لینے والے کراچی کے جناب عباس علی نے قرعہ انداوی کے ذریعے فون جیت لیا ہے۔ ہم جیتنے والے کو مبارک باد پیش کرتے ہیں اور شریک ہونے والے تمام افراد کا شکریہ بھی ادا کرتے ہیں کہ جنہوں نے PakWheels.com آٹوموبائل انڈسٹری سروے 2018ء میں حصہ لیا۔
گلیکسی نوٹ9 جیتنے کے لیے شرائط و ضوابط مندرجہ ذیل تھے:
1۔ قرعہ اندازی میں حصہ لینے کے لیے سروے کو مکمل بھرنا ضروری تھا
2۔ فاتح کا اعلان بذریعہ قرعہ اندازی کیا گیا۔
