لوگ گاڑی خریدتے ہوئے کیا دیکھتے ہیں: مفروضے کا خاتمہ

تازہ ترین PakWheels.com آٹوموبائل انڈسٹری سروے رپورٹ 2018ء نتائج کا اعلان کردیا گیا اور توقعات کے مطابق اتنی محنت نے اپنا پھل بھرپور دیا۔ PakWheels.com یہ انوکھا سروے دو بنیادی وجوہات کی بناء پر یہ سروے کرتا ہے:

1۔ عوام کی خرید و فروخت کے رویّے، رحجانات اور ترجیحات جاننے کے لیے

2۔ موجودہ سروے نتئج کا پچھلے نتائج کے ساتھ تقابل تاکہ عوام کے خرید و فروخت کے رویّے، رحجانات اور ترجیحات میں تبدیلی کا جائزہ لیا جائے

تازہ ترین PakWheels.com آٹوموبائل انڈسٹری سروے رپورٹ 2018ء نتائج کے مطابق کار خریدار گاڑی خریدتے ہوئے اپنے ذہن میں تین فیصلہ کن عوامل رکھتے ہیں:

1۔ سیفٹی

2۔ آرام

3۔ ایندھن کی بچت

موٹر سائیکل مالکان نے بائیک خریدتے ہوئے مندرجہ ذیل تین عوامل کو فیصلہ کن قرار دیا:

1۔ ایندھن بچت

2۔ سیفٹی

3۔ آرام

یہ امر دلچسپ ہے کہ گاڑیوں اور موٹر سائیکلوں دونوں کے مالکان نے “ری سیل” یعنی دوبارہ فروخت کرنے کو فہرست میں بہت کم جگہ دی (کار مالکان نے ری سیل کو ترجیح میں 11 ویں اور موٹر سائیکل مالکان نے 9 ویں نمبر پر  رکھا)۔ یوں اس مفروضے کا خاتمہ ہو گیا کہ لوگ بعد میں زیادہ قیمت پر بیچنے کی امید پر گاڑیاں اور موٹر سائیکلیں خریدتے ہیں۔

2017ء میں بھی جواب دینے والوں نے ری سیل کو آخری اہمیت دی تھیں۔ PakWheels.com آٹوموبائل انڈسٹری سروے 2017ء  کے مطابق کار مالکان نے ری سیل کو 11 واں (فہرست میں سب سے آخری) اور موٹر سائیکل مالکان نے 8 واں درجہ دیا تھا۔

یعنی 2017ء اور 2018ء کے سرویز میں بھی گاڑی کی ری سیل ویلیو خریداری کے عمل میں کوئی اہمیت نہیں رکھتی تھی۔