رائیڈ-ہیلنگ سروسز دنیا بھر کے کروڑوں افراد کی زندگیاں آسان کر ر ہی ہیں کیونکہ وہ سفر کی بہترین سہولیات دے رہی ہیں۔ اسی طرح پاکستان میں بھی کہ جہاں مختلف رائیڈ-ہیلنگ سروسز جیسا کہ اوبر اور کریم آسان سفر پیش کر رہی ہیں۔
PakWheels.com نے مختلف برانڈز اور مصنوعات کے بارے میں عوام کی سوچ جاننے کے لیے 2018ء میں ایک آٹوموبائل انڈسٹری سروے کروایا۔ PakWheels.com کی جانب سے عوام سے پوچھے گئے کئی سوالات میں یہ بھی شامل تھا کہ وہ کس رائیڈ-ہیلنگ سروس کو استعمال کرتے یا ترجیح دیتے ہیں۔ اور عوام کی بڑی تعداد نے کریم کے حق میں ووٹ دیا، جو اسے پاکستان میں سب سے زیادہ استعمال ہونے والی رائیڈ ہیلنگ سروس بناتی ہے۔ اور یوں وہ 2018ء میں ملک کی مقبول ترین رائیڈ ہیلنگ سروس بھی بنی۔
نتیجہ یہاں دیکھیں:
واضح رہے کہ کہ 2017ء میں بھی عوام نے کریم کو بہترین رائیڈ-ہیلنگ سروس قرار دیا تھا۔ کریم 2016ء میں پاکستان میں آیا اور پہلے اسلام آباد، لاہور اورکراچی میں سروسز کا آغاز کیا۔ جس کے بعد یہ پاکستان کے دیگر کئی شہروں تک پھیل چکی ہے جن میں ایبٹ آباد، فیصل آباد، ملتان اور دیگر شامل ہیں۔
ملک بھر سے کل 35,176 جوابات ریکارڈ کیے گئے۔ اس سروے نے پاکستان کے آٹوموبائل سیکٹر میں عوام کے خرچ کرنے کے رحجانات، ڈرائیونگ کے رویّے، توقعات اور روزمرہ اقدامات کو ریکارڈ کیا۔
آپ کی پسندیدہ رائیڈ ہیلنگ سروس کون سی ہے؟ ہمیں نیچے تبصروں میں ضرور بتائیں۔
