پورشے پاکستان کی جانب سے نئی ماکان ٹربو 2017 پیش کردی گئی ہے۔ تعارفی پیش کش کے طور پر پورشے پاکستان پہلی پانچ گاڑیوں کو خصوصی رعایتی قیمت پر فروخت کر رہا ہے۔ ٹربو انجن کی حامل پورشے ماکان 2017 کے سادہ(Basic) ماڈل کی قیمت صرف ڈیڑھ کروڑ روپے رکھی گئی ہے۔
پورشے ماکان R4 ٹربو میں 2000cc انجن لگایا گیا ہے۔ یہ ٹربو انجن 252 بریک ہارس پاور کے ساتھ 370 نیوٹن میٹرک ٹارک بھی فراہم کرنے کی اہلیت رکھتا ہے۔ نئی ماکان میں 7-اسپیڈ PDK ڈیول کلچ ٹرانسمیشن بھی دیا گیا ہے جس کی مدد سے یہ گاڑی صرف 6.5 سیکنڈ میں 0 سے 100 کلومیٹر کی رفتار حاصل کرسکتی ہے۔ یاد رہے کہ ماکان کا پچھلا ماڈل یہ رفتار 6.7 سیکنڈ میں حاصل کرسکتا تھا یوں نئی ماکان اس کے مقابلے میں 0.2 سیکنڈ تیز رفتار ہے۔ نئی ماکان کے سادہ ماڈل میں شامل دیگر قابل خصوصیات کی فہرست یہ ہے:
پورشے پاکستان ابتدائی طور پر پانچ گاڑیوں کو صرف 15,500,000 روپے میں فروخت کرے گا۔ پورشے ماکان 2017 پاکستان میں آوڈی Q7 کے براہ راست مدمقابل آئے گی جس کی قیمت 15,550,000 روپے ہے۔ اس حوالے سے مزید معلومات کا انتظار ہے کہ ابتدائی پانچ گاڑیاں فروخت کیے جانے کے بعد نئی ماکان کی اصل قیمت کیا ہوگی۔ علاوہ ازیں پورشے (Porsche) کی جانب سے 2400cc ماکان ٹربو سے متعلق تفصیلات بھی مستقبل قریب میں پیش کیے جانے کی امید ہے۔
