پرنس کا طویل انتظار بالآخر ختم ہوا کیونکہ پرل 31 جنوری 2020ء کو اپنی یہ 800cc ہیچ بیک لانچ کر رہا ہے۔ اس موقع پر خصوصی تقریب لاہور کے فلیٹیز ہوٹل میں منعقد ہوگی۔
پرنس نے دسمبر کے مہینے میں اپنے مینوفیکچرنگ پلانٹ پر ایک تقریب کے دوران پہلا CKD یونٹ پیش کیا تھا ۔ اس گاڑی کی لانچ 10 سے 11 لاکھ روپے کی قیمت کے ساتھ ہونا متوقع ہے۔ بلاشبہ پرنس پرل مقامی آٹو انڈسٹری میں تبدیلی لائے گی کیونکہ لوگوں کو 800cc ہیچ بیک کے شعبے میں انتخاب کے مزید مواقع ملیں گے۔ یہ کار 800ccکی ایک اور ہیچ بیک براوو کا براہِ راست مقابلہ کرے گی کہ جو ایک اور مقامی مینوفیکچرر کی جانب سے بنائی جا رہی ہے۔
پرنس پرل کی تصاویر دیکھنے کے لیے سلائیڈ کیجیے:
پرنس پرل 4-اسپیڈ مینوئل ٹرانسمیشن رکھنے والے ایک نیچرلی اسپائریٹڈ 800cc انجن کی حامل ہے۔ یہ ہیچ بیک متعدد جدید فیچرز سے لیس ہوگی، جن میں شامل ہیں:
پرنس پرل کے فیچرز اور تفصیلات
پاور وِنڈوز
پاور اسٹیئرنگ
ڈجیٹل انسٹرومنٹ کلسٹر
پریمیم ووڈن/سلوَر ٹرِم انٹیریئر
5.8 انچ ٹچ اسکرین انفوٹینمنٹ سسٹم
بلوٹوتھ اور SD کارڈ کنیکٹیوِٹی
اسکرین مررنگ فیچرز
ایئر کنڈیشننگ سسٹم
ڈرائیور اور مسافر کے لیے ایئر بیگز (آپشنل)
ڈوئل ریئر سیٹ ہیڈ ریسٹس
سیٹ بیلٹس (فرنٹ+ریئر)
اسپیئر ٹائر
ڈے ٹائم رننگ لائٹس (DRLs)
PakWheels.com مذکورہ تاریخ پر اس ایونٹ میں موجود ہوگا اور آپ کے لیے براہِ راست اپڈیٹس پیش کرے گا۔ اس لیے PakWheels.com بلاگ اور فیس بک پر آتے رہیے تاکہ آپ کو اس گاڑی کے بارے میں تازہ ترین اطلاعات مل سکیں۔
پرنس پرل کی مکمل تفصیلات اور خصوصیات جاننے کے لیے کلک کیجیے۔
