800cc کی پرنس پرل کہ جس کا سب کو انتظار ہے اور جلد ہی یہ گاڑی پیش بھی کردی جائے گی، لاہور میں سڑک پر چلتی ہوئی نظر آئی ہے۔
پاکستان میں آٹوموبائل انڈسٹری کا منظرنامہ بہت تیزی سے تبدیل ہو رہا ہے اور پرنس پرل اس پورے عمل کی ایک جھلک ہے۔ ریگل آٹوموبائلز چینی گروپ DFSK کے ساتھ ایک جوائنٹ وینچر کے ذریعے پاکستان کی مقامی صنعت میں کومپیکٹ ہیچ بیک پرنس پرل Rex7 بنائے گی۔ اب تک ہم اس ہیچ بیک کی مختلف تصاویر دیکھ چکے ہیں کہ جن سے ظاہر ہوتا ہے کہ یہ گاڑی صارفین کو کیا کچھ پیش کرے گی۔ بلاشبہ یہ متعدد جدید فیچرز سے لیس ہے کہ جو اس شعبے کی گاڑیوں میں عرصے سے نہیں تھے۔ یونائیٹڈ براوو، جو 2018ء کے اواخر میں لانچ ہوئی تھی، بھی ایسے ہی فیچرز سے لیس ہے اور یوں مقامی طور پر بننے والی گاڑیوں کی ترقی میں اپنا حصہ ڈال رہی ہے۔ پرنس پرل پنجاب کے صوبائی دارالحکومت لاہور میں سڑکوں پر چلتی ہوئی نظر آئی ہے۔ اس 800cc گاڑی کی تازہ تصویریں فیروز پور روڈ، لاہور پر دیکھی گئی ہیں جو درج ذیل ہیں:
پرنس پرل میں چند نمایاں فیچرز ہیں جیسا کہ ٹچ اسکرین LCD پینل، پاور وِنڈوز اور پاور اسٹیئرنگ۔ اسے براوو پر ایک اور برتری حاصل ہے کہ اس میں اسپیئر ٹائر کی جگہ موجود ہے۔ پرنس پرل صارفین کے لیے سرپرائز پیکیج کا وعدہ کرتی ہے کیونکہ خبریں ہیں کہ یہ 7 سے 7.5 لاکھ روپے تک کی قیمت میں پیش کی جائے گی۔ یہ یونائیٹڈ براوو (800cc) اور سوزوکی آلٹو (660cc) جیسی دوسری گاڑیوں کے لیے سنجیدہ مقابل ہوگی۔ پاک سوزوکی نے حال ہی میں اپنی دہائیوں پرانی مہران کی جگہ 8ویں جنریشن کی مقامی طور پر تیار کردہ آلٹو کو دے دی ہے۔ یونائیٹڈ براوو کی قیمت 8.95 لاکھ روپے ہے جبکہ سوزوکی آلٹو ممکنہ طور پر اپنے بنیادی ورژن کے لیے تقریباً 10 لاکھ روپے لے گی۔
اس معاملے پر اور گاڑیوں کی دیگر خبروں کے لیے پاک ویلز پر آتے رہیے۔ اپنے خیالات نیچے تبصروں میں پیش کیجیے۔
