گاڑیوں کی فروخت میں کمی اور مقامی آٹو مینوفیکچررز کے گھٹتے ہوئے منافع کے ساتھ پاکستان کا آٹوموٹو سیکٹر قومی معیشت کے غیرمستقل ترین شعبوں میں سے ایک بن چکا ہے۔ البتہ PakWheels.com پر عوام کے سرچ کرنے کے رحجانات میں تبدیلی نہیں آئی۔
استعمال شدہ گاڑیوں کی تلاش میں ٹویوٹا کرولا، پرائیس اور لینڈ کروزر PakWheels.com پر سب سے زیادہ دیکھی گئیں۔ البتہ گزشتہ مہینے کے مقابلے میں ٹویوٹا وِٹز کے لیے تلاش کے نتائج میں کمی آئی ہے۔ ہونڈا کے ماڈلز میں سب سے زیادہ سٹی اور ویزل کے لیے سرچ کیا گیا۔ دلچسپ بات یہ ہے کہ پچھلے مہینے کے مقابلے میں سوِک، این وَن اور این ویگن کی تلاش میں بھی کمی آئی۔ ڈائی ہاٹسو موو اور میرا کے لیے تلاش میں اس مہینے بھی بدستور اضافہ دیکھنے میں آیا۔ سوزوکی کے لیے کلٹس، آلٹو، ویگن آر اور سوئفٹ عوام کی جانب سے سب سے زیادہ دیکھی گئیں، جبکہ مہران میں دلچسپی میں کمی آئی جس کی وجہ اس کی پیداوار بند ہو جانا ہے۔ سوزوکی آلٹو کئی لوگوں کی توجہ حاصل کرنے میں کامیاب ہوئی کہ جس کی تلاش میں مارچ سے اپریل 2019ء کے دوران 39.37 فیصد اضافہ ہوا۔ اپریل 2019ء میں سب سے زیادہ سرچ کی جانے والی موٹر سائیکلوں میں رحجان میں پچھلے مہینے کے مقابلے میں کوئی تبدیلی واقع نہیں ہوئی اور یاماہا YBR 125؛ ہونڈا CG 125، CD 70 اور CG 125 اسپیشل ایڈیشن اور سوزوکی GD 110 S اپریل 2019ء میں بھی سب سے زیادہ تلاش کی جانے والی موٹر سائیکلیں رہیں۔
660cc انجن گنجائش رکھنے والی مسافر گاڑیوں میں سوزکی غالب رہا کہ جس کی آلٹو، جمنی اور ویگن آر سب سے زیادہ سرچ کی جانے والی گاڑیاں رہیں جبکہ ڈائی ہاٹسو کی میرا بھی پاک ویلز ویب سائٹ پر سب سے زیادہ سرچ کی جانے والی گاڑیوں میں شمار ہوئی۔ دلچسپ بات یہ ہے کہ یہ رحجان فروری2019ء سے اب تک تبدیل نہیں ہوا۔
1000cc انجن گنجائش کی مسافر گاڑیوں میں تلاش کا رحجان فروری 2019ء کے مقابلے میں کچھ تبدیل ہوا ہے کہ سوزوکی کلٹس، ویگن آر، ٹویوٹا وِٹز اور پاسو اس میں غالب دکھائی دیتی ہیں۔ اس سے پہلے آلٹو، ویگن آر اور وِٹز کا اس شعبے میں غلبہ تھا۔
اپریل 2019ء کے لیے سب سے زیادہ سرچ کی جانے والی سیڈانز ٹویوٹا کرولا، ہونڈا سوِک اور سٹی اور مرسڈیز بینز ای-کلاس تھیں۔ یوں پچھلے مہینے کے مقابلے میں تقریباً وہی رحجانات نظر آئے سوائے سوزوکی مارگلہ اور مرسڈیز بینز ای-کلاس کے۔
پاک ویلز پر سب سے زیادہ سرچ کی جانے والی ہیچ بیکس سوزوکی آلٹو، کلٹس اور ویگن آر اور ٹویوٹا وِٹز رہیں۔ گزشتہ ماہ بھی نتائج یہی تھے البتہ ٹویوٹا پاسو اس میں شامل تھی۔ تو اپریل 2019ء میں بھی عوام نے پاسو کو وِٹز جتنا تلاش نہیں کیا۔
مارچ 2019ء میں SUV کے شعبے میں سب سے زیادہ سرچ کی جانے والی گاڑیاں ٹویوٹا لینڈ کروزر، پراڈو اور سرف اور سوزوکی جمنی تھیں۔ ٹویوٹا اس شعبے میں واضخ فاتح تھا۔ اس مہینے جمنی، لینڈ کروزر، پراڈو اور پجیرو تھیں۔
مارچ2019ء میں کراس اوور کی کیٹیگری نے فروری 2019ء کے مقابلے میں کوئی تبدیلی نہیں آئی۔ لیکن اس مہینے اس کیٹیگرینے سرچز میں کافی نمایاں تبدیلی ظاہر کی ہے۔ مارچ 2019ء میں سب سے زیادہ سرچ کی جانے والی گاڑیاں ٹویوٹا CH-R، ہونڈا ویزل، ہونڈا HR-V اور BMW X1 سیریز تھیں۔ اپریل 2019ء کے لیے سب سے زیادہ سرچ کی جانے والی گاڑی ٹویوٹا CH-R، آؤڈی Q2، Q3 اور ہونڈا ویزل رہیں۔
مجموعی طور پر تلاش کے رحجانات اپریل میں بھی مارچ 2019ء جیسے ہی رہے۔
