پاک ویلرز عموماً گاڑیوں کی مکمل ورائٹی سرچ کرتے ہیں جن میں مقامی طور پر تیار ہونے والی گاڑیوں کے ساتھ ساتھ مختلف انجن گنجائش رکھنے والی امپورٹڈ کاریں بھی شامل ہوتی ہیں اور مارچ 2019ء کا مہینہ بھی کچھ مختلف نہیں تھا۔
استعمال شدہ گاڑیوں میں سب سے زیادہ سرچ ہونے والی گاڑیوں میں ٹویوٹا کرولا، وِٹز اور پرائیس؛ ہونڈا سوِک اور این وَن، ڈائی ہاٹسومُوو اور میرا اور سوزوکی آلٹو، مہران، ویگن آر اور سوئفٹ خاص طور پر دیکھی گئیں۔ ٹویوٹا وِٹز کئی لوگوں کی توجہ کا مرکز رہی کہ جس کی سرچ میں فروری کے مقابلے میں مارچ 2019ء میں 25.19 فیصد اضافہ ہوا۔ مارچ 2019ء کے مہینے میں سب سے زیادہ سرچ ہونے والی موٹر سائیکلوں میں یاماہا YBR 125، ہونڈا CG 125، CD 70 اور CG 125 اسپیشل ایڈیشن اور سوزوکی GD 110 قابلِ ذکر ہیں۔
660cc انجن رکھنے والی مسافر گاڑیوں میں سوزوکی آلٹو، جمنی اور ویگن آر اور ڈائی ہاٹسو میرا پاک ویلز ویب سائٹ پر سب سے زیادہ سرچ کی گئیں۔ یہ امر دلچسپ ہے کہ یہ رحجان فروری 2019ء سے تبدیل نہیں ہوا۔
1000cc انجن گنجائش رکھنے والی مسافر گاڑیوں میں سوزوکی کلٹس، آلٹو اور ویگن آر اور ٹویوٹا وِٹز کی برتری رہی۔ دلچسپ بات یہ ہے کہ یہی رحجان فروری 2019ء میں بھی تھا۔
مارچ 2019ء میں سب سے زیادہ سرچ کی جانے والی سیڈانز ٹویوٹا کرولا، سوزوکی مارگلہ، ہونڈا سوِک اور سٹی تھیں۔
مذکورہ عرصے میں پاک ویلز پر سب سے زیادہ دیکھی جانے والی ہیچ بیکس سوزوکی آلٹو، کلٹس اور ویگن آر اور ٹویوٹا پاسو تھیں۔ مختصر یہ کہ سوزوکی پورے مہینے اس کیٹیگری میں چھایا رہا۔ گو کہ پچھلے مہینے صرف اسی کا راج تھا لیکن اس مہینے پاسو نے جگہ بنائی ہے۔
SUV کیٹیگری میں سب سے زیادہ سرچ ہونے والی گاڑیاں ٹویوٹا لینڈ کروزر، پراڈو اور سرف اور سوزوکی جمنی تھیں۔ یوں ٹویوٹا اس زمرے میں فاتح رہا۔
کراس اوور کیٹیگری میں سب سے زیادہ سرچ ہونے والی گاڑیاں ٹویوٹا CH-R، ہونڈا ویزل، HR-V اور BMW X1 سیریز تھیں۔ یہاں پچھلے مہینے کے مقابلے میں کوئی تبدیلی واقع نہیں ہوئی۔
مجموعی طور پر سرچ کے رحجانات فروری 2019ء کے مقابلے میں زیادہ تر وہی رہے۔ حیران کن طور پر اب تک چینی گاڑیوں نے اس فہرست میں جگہ نہیں پائی۔ لیکن ہو سکتا ہے کہ اگلے مہینوں میں یہ رحجان تبدیل ہو۔ اس لیے پاک ویلز پر آتے رہیے۔
