غیر قانونی اور فراڈ سرگرمیوں کو روکنے کے لیے سکیورٹیز اینڈ ایکسچینج کمیشن آف پاکستان (SECP) نے نو ایسی کمپنیوں کے خلاف قانونی کارروائی کے لیے ابتدائی قدم اٹھا لیے ہیں جو غیر قانونی ڈپازٹس اور گاڑیوں کی لیزنگ پیش کر رہی ہیں۔
SECP پہلے ہی کچھ اداروں کو نوٹس جاری کر چکا ہے جو اس غیر قانونی کاروبار میں ملوث ہیں۔ اسی دوران فراڈ سرگرمیوں کی وجہ سے ان کمپنیوں کے خلاف کمپنیز ایکٹ کی دفعہ 301 اور 304 کے تحت قانونی چارہ جوئی بھی شروع کی جاچکی ہے ۔ ایسے 9 ادارے پائے گئے ہیں جو کرپٹو کرنسی اور پونزی اسکیم پیش کر رہے ہیں جن پر میمورینڈم آف ایسوسی ایشن کی دفعات کے تحت پابندی عائد ہے۔ مزید یہ کہ سکیورٹیز اینڈ ایکسچینج کمیشن آف پاکستان (SECP) نے عوام کو ہوشیار رہنے اور مندرجہ ذیل اداروں کی جانب سے پیش کردہ کسی بھی اسکیم میں حصہ نہ لینے کی تاکید کی ہے:
گولڈ ٹرانسمٹ نیٹ ورک ٹیکنالوجی (پرائیوٹ) لمیٹڈ
گلیکسی ٹائپنگ جابز (SMC-پرائیوٹ) لمیٹڈ
گرین ایپل سپر مارکیٹ (پرائیوٹ) لمیٹڈ
ہیومینیٹس میریٹس (SMC-پرائیوٹ) لمیٹڈ
الائنس (پرائیوٹ) لمیٹڈ
پاک میمن امپیکس (پرائیوٹ) لمیٹڈ
میمن کارپوریشن (پرائیوٹ) لمیٹڈ
آیت انٹرپرائز (SMC-پرائیوٹ) لمیٹڈ
IDG انٹرپرائزز (پرائیوٹ) لمیٹڈ
ایک جامع جائزے کے بعد مندرجہ بالا نو اداروں کو چند غیر قانونی کاموں میں ملوث پایا گیا جیسا کہ بڑے منافع کا لالچ دے کر عوام سے غیر قانونی ڈپازٹس لینا۔ مزید برآں، یہ فراڈ سرگرمیاں کاروں، گھروں، بجلی کے سامان اور روزمرہ زندگی کی دیگر اہم اشیاء حاصل کرنے کے لیے پرکشش پیکیج فراہم کر رہی تھیں۔ ان میں سے چند کرپٹو کرنسی میں بھی کام کر رہی تھیں جس کے ذریعے سے عوام سے خوب منافع بٹورا گیا۔ متعدد غیر قانونی ملٹی لیول مارکیٹنگ اسکیمیں جن میں ریفرل مارکیٹنگ، ملازمتیں اور پیرامڈ اسکیمیں بھی شامل تھیں۔
میمورینڈم آف ایسوسی ایشن ایسے کسی کاروبار کو چلانے کی اجازت نہیں دیتا۔ عوام ایسی آفرز کا شکار بنتے ہیں کیونکہ بظاہر ان سے بہت منافع حاصل ہوتا دکھائی دیتا ہے اور اس کے فوائد ان کے حق میں نظر آتے ہیں۔ لیکن حقیقت بالکل مختلف ہے کیونکہ یہ فراڈ اسکیمیں عوام سے ان کے خون پسینے کی کمائی چھین لیتی ہیں۔ SECP کے مشاہدات کے مطابق لوگوں کی بڑی تعداد ان کمپنیوں کی حرکتوں کا شکار بن چکی ہے۔ ان سے عوام نقصان پاتے ہیں جبکہ یہ کمپنیاں بڑے منافع حاصل کرتی ہیں۔
ہماری طرف سے اتنا ہی۔ تازہ ترین خبروں کے لیے پاک ویلز پر آتے رہیے۔
