اس سال جس گاڑی کا سب سے زیادہ انتظار ہے یعنی سوزوکی آلٹو 660cc، ایک پاک ویلر کی جانب سے کینال روڈ، لاہور پر دیکھی گئی ہے۔
سوزوکی مہران کے جانشین کی حیثیت سے پاک سوزوکی نے حال ہی میں آلٹو کو مقامی مارکیٹ میں پیش کیا ہے۔ اس گاڑی کی بکنگ پہلے ہی شروع ہو چکی ہے، البتہ ڈلیوری جون 2019ء میں گاڑی کے باضابطہ لانچ کے بعد شروع ہوگی۔
تصویریں ذیل میں دیکھیں:
پاک سوزوکی 660cc آلٹو کے پاکستان میں تین ویرینٹس جاری کرے گا۔ جن میں شامل ہیں:
سوزوکی آلٹو VX (بغیر AC)
سوزوکی آلٹو VXR(AC کے ساتھ)
سوزوکی آلٹو VXL AGS(AC اور آٹومیٹک ٹرانسمیشن کے ساتھ)
سوزوکی آلٹو اس وقت اپنی آٹھویں جنریشن میں ہے اور ہمیں پاکستان میں یہی آٹھویں جنریشن کی گاڑی ملے گی لیکن ہو سکتا ہے فیچرز کچھ مختلف ہوں اور ہمیں اس JDM کے فیچرز نہ ملیں کہ جو لوگ ملک میں پہلے سے درآمد کر رہے ہیں۔
مزید برآں، اندازوں کے مطابق سوزوکی آلٹو 2019ء کی تعارفی قیمت تقریباً 9.65 لاکھ روپے سے 12 لاکھ روپے تک ہوگی۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
تصویر: جمال احمد عباسی
