طویل عرصے سے جس کا تھا انتظار کومپیکٹ SUV سوزوکی وِٹارا کے کمپلیٹلی بلٹ یونٹ (CBU) کا وہ فیس لفٹ ورژن 2019ء اب دو اضافی رنگوں میں دستیاب ہے۔
سوزوکی وِٹارا، جو پہلی بار 1988ء میں متعارف کروائی گئی تھی، اس وقت اپنی چوتھی جنریشن میں ہے جو خود بھی 4 سال پرانی ہے۔ 2015ء میں پیش کی گئی اس جنریشن کا 2019ء میں سوزوکی نے فیس لفٹ ورژن متعارف کروایا جو اب پاکستان میں بھی دستیاب ہے۔ بلاشبہ یہ اپنے اندر استعمال کی گئی ٹیکنالوجی کے حساب سے سوزوکی کی جدید ترین گاڑی ہوگی۔
آئیے پہلے وِٹارا 2019ء فیس لفٹ کی خصوصی تصاویر دیکھیں:
پاورٹرین:
آٹو مینوفیکچرر نے 6-اسپیڈ آٹومیٹک ٹرانسمیشن کے ساتھ 1.6 لیٹر پٹرول انجن برقرار رکھا ہے۔ باقی دنیا میں سوزوکی 1.0 لیٹر یا 1.4 لیٹر ٹربوچارجڈ پٹرول انجن پر منتقل ہوچکا ہے۔
ایکسٹیریئر:
SUV کے ایکسٹیریئر میں کچھ تبدیلیاں کی گئی ہیں۔ سامنے والی گرِل پر ہوریزونٹل کروم بارز کی جگہ اب خوبصورت چھ ورٹیکل بارز نے لے لی ہے۔ فرنٹ ہیڈلائٹس کو بھی ساتھ ہی اپگریڈ کیا گیا ہے۔ نئی نمایاں LED ٹیل لیمپس کے عین نیچے لگایا گیا ریئر بمپر زیادہ اسپورٹی ہے۔ الائے رِمز کو بھی آٹومیکر کی جانب سے ری ڈیزائن کیا گیا ہے۔
انٹیریئر:
انٹیریئر کیبن اعلیٰ معیار کے چمڑے کے ساتھ کہیں بہتر کیا گیا ہے اور مسافروں کو بہت آرام دہ تجربہ دیتا ہے۔ سوزوکی وِٹارا کشادہ اور آرام دہ سیاہ رنگ کا انٹیریئر رکھتی ہے۔ فیس لفٹ ورژن کا انسٹرومنٹ کلسٹر بھی آٹومینوفیکچرر کی جانب سے اپڈیٹ کیا گیا ہے۔ اب یہ نئے ڈیزائن کے ساتھ آتی ہے جو رنگین مرکزی انفارمیشن ڈسپلے رکھتا ہے۔ فی الحال پاکستان میں سوزوکی وِٹارا کا صرف ایک ورژن دستیاب ہوگا اور اس میں ڈوئل گلاس پینل پینورامک سن روف ہوگی۔
سیفٹی فیچرز:
سیفٹی فیچرز کے لحاظ سے سوزوکی وِٹارا اب سوزوکی کی جدید ترین گاڑی ہوگی جو معیاری آلات کے طور پر نئی سیفٹی ٹیکنالوجی کی حامل ہے۔ 8 ایئر بیگز کے علاوہ یہ کومپیکٹ SUV اب لین ڈِپارچر وارننگ، لین ڈِپارچر پریونشن، بلائنڈ اسپاٹ مانیٹرنگ، ڈوئل سینسر بریک سپورٹ اور ٹریفک سائن کی پہچان شامل ہیں۔ مزید یہ کہ وِٹارا کا 4WD سسٹم ڈرائیونگ کے چار موڈز کی طاقت رکھتا ہے یعنی آٹو، لاک، اسپورٹ اور سنو۔ اسے سینٹر کونسول میں موجود ڈائل کو دبانے اور گھمانے کے ذریعے منتخب کیا جا سکتا ہے۔
رنگ:
سوزوکی وِٹارا فیس لفٹ اب دو رنگوں میں دستیاب ہے: نارنجی اور سفید۔
قیمت:
سوزوکی وِٹارا 2019ء کی موجودہ قیمت 40,90,000 ہے۔ یہ گاڑی سوزوکی کی مجاز ڈیلرشپ سے 9 لاکھ روپے میں بک کروائی جا سکتی ہے۔ سوزوکی وِٹارا 2019ء کی ڈلیوری کا دورانیہ اس کی دستیابی پر منحصر ہے۔ واضح رہے کہ نان-فائلرز ایسے CBU یونٹس کی خریداری کے اہل نہیں ہیں۔
سوزوکی وِٹارا کے فیس لفٹ ورژن کو آپ کیا درجہ دیتے ہیں؟ ہمیں نیچے تبصروں میں ضرور بتائیں اور اس پر مزید اپڈیٹس اور آٹوموبائل دنیا کی دیگر خبروں کے لیے پاک ویلز پر آتے رہیں۔
