دیوان موٹرز نے ایک چینی برانڈ کے ساتھ مل کرHonri Ve تیار کی ہے جو کہ پاکستان میں مقامی طور پر تیار کی جانے والی الیکٹرک ہیچ بیک ہے۔ بلاشبہ، مشکلات کا شکار پاکستانی آٹو موٹیو سیکٹر میں نئی مقامی سطح پر تیار کی گئی الیکٹرک کار کو لانچ کرنا کمپنی کا بہترین اقدام ہے۔
ایکسٹیرئیر
یہ پاکستان میں مقامی طور پر اسمبل ہونے والی پہلی الیکٹرک کار ہے۔ گاڑی کا فی الحال ایک ویرینٹ میں متعارف کرایا گیا ہے، جو ڈیزائن کے لحاظ سے سوزوکی ویگن آر سے کافی مشابہت رکھتا ہے۔ فرنٹ پروفائل پر لو بیم پروجیکشنز، ڈی آر ایلز اور سِلم ہیڈلائٹس دی گئی ہیں جبکہ گاڑی کا بوںٹ کمپیکٹ ہے۔ فرنٹ گرل بونٹ سے بمپر تک ایک واضح فرنٹ کے ساتھ پھیلی ہوئی ہے جو کہ گاڑی کو مزید دلکش بناتی ہے۔
سائیڈ پروفائل پر آپ کو ملٹی سپوک وہیل اور 15 انچ کے امپورٹڈ ٹائر نظر آتے ہیں۔ اس کے علاوہ یہاں ایڈجسٹ ایبل سائیڈ مررز اور ایل ای ڈی اشارے بھی دئیے گئے ہیں۔ تاہم، رئیر پروفائل پر ایل ای ڈی لائٹس، انڈیکیٹرز، پارکنگ سینسرز اور ریفلیکٹرز نظر آتے ہیں۔ اسپائلر پر ٹاپ ماونٹڈ بریک لائٹ اور ایک ریورس کیمرہ بھی دیا گیا ہے۔
انٹیرئیر
گاڑی میں 10.25 انچ کی فلوٹنگ انفوٹینمنٹ سکرین اور صارف دوست HM دیکھنے کو ملتا ہے۔ اس کے علاوہ لیدر سے کور کیا گیا ملٹی میڈیا ڈی کٹ سٹیئرنگ دیکھنے کو ملتا ہے۔ گاڑی کا کیبن کافی کشادہ ہے۔ گاڑی کے اے سی وینٹس بگاٹی شیرون سے ملتے جلتے ہیں جبکہ ٹرانسمیشن نوب آپ کو جیگوار کی یاد دلاتے ہیں۔
گاڑی میں دئیے گئے دیگر فیچرز میں سن شیڈز، پیسنجر سائیڈ وینٹی مرر، ایئر بیگز، ڈوم لائیٹ، ٹائر پریشر مانیٹرنگ سسٹم، ریجینریٹیو بریکنگ اور ایڈجسٹ ایبل مررز شامل ہیں۔
انجن پاور
گاڑی میں 18.5kWhکی ٹرنری لیتھیم بیٹری دی گئی ہے جس کی رینج کے بارے کمپنی دعوی کرتی ہے کہ 200 کلومیٹر فی چارج ہے۔ کمپنی کے فراہم کردہ ڈومیسٹک چارجر سے گاڑی کا چارج ٹائم وقت 7 گھنٹے ہے۔
دیوان موٹرز نے بتایا ہے کہ گاڑی کی مقامی طور پر تیاری اگست 2024 تک شروع ہو جائے گی جس کے بعد گاڑی کی ڈلیوری بھی شروع ہو جائے گی۔
