Yadea T5 میں پاور اور فیچرز اپ گریڈز — قیمت میں کوئی اضافہ نہیں

کچھ سال پہلے، یادے  نے اُس وقت الیکٹرک اسکوٹر مارکیٹ میں قدم رکھا جب یہ شعبہ ابھی ابتدائی مراحل میں تھا۔ اس کے بعد یہ مارکیٹ تیزی سے ترقی کرتی گئی، اور کئی نئی کمپنیاں میدان میں آ کر پاکستان میں صحت مند مقابلہ پیدا کرنے لگیں۔ اب جب کہ مارکیٹ پختگی کی طرف بڑھ رہی ہے، کئی برانڈز اپنے پرانے ماڈلز کو صارفین کی ضروریات کے مطابق اپ ڈیٹ کر رہے ہیں تاکہ اپنی پوزیشن برقرار رکھ سکیں۔

یادے T5 کے ساتھ بھی یہی ہوا ہے۔ 2025 کے لیے کمپنی نے اس میں پاور اور فیچرز کے لحاظ سے اپ گریڈز متعارف کروائے ہیں، تاکہ اس کی کارکردگی اور روزمرہ استعمال میں سہولت کو بہتر بنایا جا سکے۔ دلچسپ بات یہ ہے کہ یہ تبدیلیاں قیمت میں کسی اضافے کے بغیر کی گئی ہیں۔

اپ گریڈز

کارکردگی میں بہتری

نیا T5 ایک 1200 واٹ موٹر کے ساتھ آتا ہے، جو 2100 واٹ تک پیک آؤٹ پٹ دے سکتی ہے، اور 57 کلومیٹر فی گھنٹہ کی ٹاپ اسپیڈ حاصل کرتا ہے۔ اس میں دو رائیڈنگ موڈز ہیں: ایکو موڈ زیادہ رینج کے لیے اور اسپورٹس موڈ بہترین کارکردگی کے لیے۔

پریکٹیکل فیچرز

T5 کی سیٹ ہائٹ 700 ملی میٹر اور فوٹ بورڈ کی چوڑائی 360 ملی میٹر ہے، جو مختلف قد کے رائیڈرز کے لیے موزوں ہے۔ اس کے 26 لیٹر انڈر سیٹ اسٹوریج میں ہیلمٹ، کریانہ یا دیگر ضروری سامان رکھا جا سکتا ہے۔ روشنی کے لیے میٹرکس ایل ای ڈی ہیڈلائٹس دی گئی ہیں، جبکہ اس میں ڈیجیٹل ڈیش بورڈ، ریموٹ اسٹارٹ، اینٹی تھیفٹ الارم اور ہیزرڈ لائٹس بھی شامل ہیں۔

نئے 6PR ٹیوب لیس ٹائر زیادہ پائیداری اور خراب یا ناہموار سڑکوں پر بہتر گرفت فراہم کرتے ہیں۔

پاور

یہ اسکوٹر ریجنریٹیو بریکنگ استعمال کرتا ہے، جو بریک لگاتے وقت کچھ توانائی واپس بیٹری میں ڈال دیتا ہے، جس سے رینج میں معمولی اضافہ ہوتا ہے۔

72V 25Ah گرافین بیٹری کو مکمل چارج کرنے کے لیے تقریباً 2 یونٹ بجلی درکار ہوتی ہے، جو لگ بھگ 1 روپے فی کلومیٹر کے برابر ہے۔ موازنہ کے لیے، پٹرول موٹر سائیکل چلانے پر تقریباً 8 روپے فی کلومیٹر خرچ آتا ہے۔

فیچرز

• بیٹری: 72V 25Ah گرافین

• رینج: 70–85 کلومیٹر (ایکو موڈ)

• پاور: 1200W (ریٹڈ)، 2100W (پیک)

• ٹاپ اسپیڈ: 57 کلومیٹر فی گھنٹہ

• اسٹوریج: 26 لیٹر

• بریکس: فرنٹ ڈسک، رئیر ڈرم

• ٹائرز: 3.00-10 ٹیوب لیس (6PR)

• وارنٹی: 2 سال / 20,000 کلومیٹر

قیمت 

2025 یادیہ T5 کی قیمت 2,48,500 روپے ہے، جو پچھلے ماڈل کے برابر ہے۔ تازہ اپ گریڈز کا مقصد پاور ڈلیوری میں بہتری، اضافی حفاظتی فیچرز، اور زیادہ آرام دہ سواری فراہم کرنا ہے، وہ بھی بغیر کسی اضافی لاگت کے۔