یاماہا بائکس کی قیمتوں میں 17000 روپے تک کا نیا اضافہ

ملک میں پٹرول کی قیمتوں میں اضافے اور روپے کی قدر میں کمی کے بعد بائکس اور گاڑیوں کی قیمتوں میں اضافے کی نئی لہر شروع ہو گئی ہے۔ کچھ ماہ تک قیمتوں میں اضافے کا سلسلسہ رکنے کے بعد ایک بار پھر شروع ہو چکا  ہے جو کہ صارفی کی قوت خرید کو مزید کم کرنے میں اہم کردار ادا کرے گا۔

خاص طور پر موٹرسائیکل بنانے والی کمپنیز کی کہانی بالکل الگ ہے جو کہ بغیر کوئی وجہ بیان کیے قیمتوں میں بڑا اضافہ کرتے آئے ہیں اور اب جبکہ ملکی معیشت خراب ہے تو ایک بار پھر قیمتوں میں بڑا اضافہ کیا گیا ہے۔ حیران کن طور پر یہ سلسلہ تب بھی جاری تھا جب ملکی معیشت اور روپے کی قدر کسی حد تک مستحکم تھی۔

ایک حالیہ پیشرفت کے مطابق جاپانی کمپنی نے ‘یاماہا موٹر پاکستان’ نے اپنی بائکس کی قیمتوں میں نئے اضافے کا اعلان کیا ہے۔ کمپنی کے مطابق نئی قیمتیں 6 ستمبر 2023 سے لاگو ہوں گی۔

یاماہا بائکس کی نئی قیمتیں

• یاماہا YB125Z (ریڈ/بلیک) کی قیمت میں 15500 روپے کا اضافہ کیا گیا ہے۔ جس کے بعد بائک کی قیمت 380500 روپے سے بڑھ کر 396000 روپے ہو گئی ہے۔
• یاماہا YB125Z-DX (ریڈ/بلیو/بلیک) کی قیمت 408500 روپے سے بڑھ کر 423500 روپے ہو چکی ہے۔ یعنی بائیک کی قیمت میں 26500 روپے کا اضافہ کیا گیا ہے۔
• یاماہا YBR 125 (ریڈ/بلیو/بلیک) کی قیمت میں 16500 روپے کا اضافہ کیا گیا ہے۔ جس کے بعد بائیک کی قیمت 419500 سے بڑھ کر 435000 روپے ہو گئی ہے۔
• دریں اثنا،YBR125G (سرخ/سیاہ) کی قیمت میں17000 روپے کا اضافہ کیا گیا ہے۔ جس کے بعد بائیک کی قیمت 436000 روپے سے بڑھ کر 453000 روپے ہو گئی ہے۔

خیال رہے کہ یاماہا پاکستان اپنی موٹر سائیکلوں کی قیمتوں رواں سال اب تک  پانچ بار اضافہ کر چکا ہے۔ دریں اثنا، گزشتہ سال کمپنی کی جانب سے کل سات بار قیمتوں میں اضافہ کیا گیا۔ موجودہ معاشی چیلنجوں کی روشنی میں، ڈیلرز اور صنعت کے ماہرین موجودہ سال کے لیے قیمتوں میں اضافی ایڈجسٹمنٹ کی پیش گوئی کر رہے ہیں۔

ان حالیہ قیمتوں میں اضافے کے بعد نئی بائک کی قیمت ممکنہ خریداروں کے ایک بڑے حصے کے لیے ناقابل برداشت ہو گئی ہے۔ نتیجتاً، شہریوں نے حکومت سے اس مسئلے کو حل کرنے کا مطالبہ کیا ہے، لیکن ان کی درخواستوں کا جواب نہیں دیا گیا۔