کرولا کراس کی ممکنہ قیمت سامنے آ گئی!

0 12 974

پچھلے کچھ مہینوں سے لوکل کار مارکیٹ نئی کرولا کراس کے پاکستان آنے کی خبروں سے گونج رہی ہے۔ اس جوش و خروش کی ایک اہم وجہ اس نئی گاڑی کی ممکنہ قیمت ہے۔ پہلے یہ افواہوں تھیں کہ یہ SUV پاکستان میں تقریباً 65 لاکھ روپے کی پڑے گی۔

لیکن پاک ویلز ہمیشہ سے اپنے پڑھنے والوں کو کہتا ہے کہ ایسی افواہوں پر یقین نہ کریں۔ اور اب ہم پاکستان میں کرولا کراس کی ممکنہ قیمت لائے ہیں۔ ہمارے ذرائع نے تصدیق کی ہے کہ نئی گاڑی کی قیمت 85 لاکھ روپے ہوگی۔

ہمارے ذرائع کے مطابق ٹویوٹا انڈس موٹرز (IMC) ملک میں کراس کے CBU یونٹس منگوائے گا۔ تاہم یہ CBUs بہت محدود تعداد میں ہوں گے۔ ہمارے ذرائع کا مزید کہنا ہے کہ کمپنی یہ گاڑی محدود تعداد ہی میں امپورٹ کر رہی ہے کیونکہ یہ دنیا بھر بہت پسندیدہ گاڑی ہے۔ ایسی کوئی خبریں نہیں کہ IMC پاکستان میں یہ گاڑی بنانے کا ارادہ رکھتا ہے۔

اس کے علاوہ ہمیں یہ بھی پتہ چلا ہے کہ یہ گاڑی دسمبر 2020 سے پاکستان میں دستیاب ہوگی۔

کرولا کراس کے فیچرز:

آئیے کرولا کراس پر ایک نظر ڈالتے ہیں کہ جو TNGA-C (ٹویوٹا نیو گلوبل آرکی ٹیکچر) پلیٹ فارم پر بنی ہوئی گاڑی ہے جو فرنٹ اور AWD دونوں ورژنز کے لیے مخصوص کومپیکٹ گاڑیوں کی کلاس ہے۔ یہ وہی پلیٹ فارم ہے جس پر 12 ویں جنریشن کی کرولا کے ساتھ ساتھ ‏C-HR بھی بنی ہوئی ہے۔

ایکسٹیریئر:

ایکسٹیریئر دیکھیں تو کرولا کراس کی اسٹائلنگ موجودہ ٹویوٹا ماڈل لائن اپ کی SUVs جیسی ہے۔ حالانکہ اس کے نام کے ساتھ «کرولا» بھی لگا ہوا ہے، لیکن جہاں تک ایکسٹیریئر کی بات ہے تو  یہ کرولا سیڈان یا کرولا ہیچ بیک جیسی نہیں ہے۔ چوڑی فرنٹ گرِل موجودہ جنریشن کی Rav4 کی نقل کرتی ہے جبکہ پچھلا حصہ بھی Rav4 سے متاثر لگتا ہے۔ فرنٹ پر بلٹ-اِن سلم DRLs (ڈے ٹائم رننگ لائٹس) کے ساتھ پروجیکٹر ہیڈلائٹس، ویل آرچز پر کالی  پلاسٹک کلیڈنگ، جھکتی ہوئی رُوف-لائن اور کالے رنگ کی رُوف گرِلز اسے اسپورٹی نظر آنے والی ایک مضبوط گاڑی ظاہر کرتی ہیں۔

‏17 اور 18 انچ کے الائے ویلز دونوں کا آپشن موجود ہے جس کا انحصار آپ کے منتخب کیے گئے ویرینٹ پر ہے۔ کرولا کی طرح اس میں بھی متعدد فیچرز اور آپشنز دستیاب ہوں گے، جن کا انحصار ٹرِم لیول پر ہے۔

کرولا کراس کا انٹیریئر:

جہاں تک انٹیریئر کی بات ہے تو اندر داخل ہوتے ہی چیزیں 12 ویں جنریشن کی کرولا جیسی ہی لگیں گی۔ فلوٹنگ انفوٹینمنٹ سسٹم، ڈجیٹل کلسٹر کے ساتھ ساتھ ڈجیٹل HVAC کنٹرولز اور خود ڈیش بورڈ بھی کرولا سے لیا گیا ہے۔ یہ ایک 5 سیٹر گاڑی ہے اور اس میں واحد آپشن یہی ہے۔ ویسے اس میں سن رُوف کا آپشن موجود ہے، لیکن یہ پینورامک سن رُوف نہیں ہے۔

اس میں الیکٹرک پاور اسٹیئرنگ اسٹینڈرڈ کے طور پر آتا ہے جبکہ فرنٹ سسپنشن کے طور پر میک فرسن اسٹرٹ موجود ہے اور ریئر سسپنشن میں ٹورشن-بیم لگایا گیا ہے۔ ایک مرتبہ پھر بتا دیں کہ کرولا سیڈان نئے ملٹی-لنک ریئر سیٹ اپ کے ساتھ آتی ہے جو کرولا کراس میں نہیں ہے۔

پاور ٹرین:

جہاں تک پاور پلانٹ کا تعلق ہے تو کراس تھائی لینڈ میں دو انجن آپشنز میں پیش کی گئی ہے اور یہ بھی اندر سے 12 ویں جنریشن کی کرولا جیسی ہی ہے۔ وہی اسٹینڈرڈ فرنٹ ویل ڈرائیو 1.8 لیٹر کا 2ZR-FBE انجن جو 140HP اور 175Nm ٹارک کے ساتھ۔ اسٹینڈرڈ کے طور پر اس میں CVT ٹرانسمیشن دی گئی ہے۔

ٹویوٹا کراس کا ہائبرڈ ورژن بھی پیش کرتا ہے اور یہ بھی 1.8لیٹر کا 2ZR-FXE ہے جسے آپ جانتے ہی ہیں جو 98HPاور 142Nm ٹارک پیدا کرتا ہے۔ اس میں ایک الیکٹرک موٹر بھی ہے جو 72HP کے ساتھ 163Nm ٹارک پیدا کرتی ہے اور گیسولین انجن کے ساتھ مل کر کام کرتی ہے جبکہ پورے سسٹم کی پاور تقریباً 121HP ہے اور یہی سیٹ اَپ ہے جو کرولا ہائبرڈ یا پرائیس میں پایا جاتا ہے۔

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.