ٹویوٹا یارِس جی ایل آئی 1.3 ایم ٹی بمقابلہ سوزوکی سیاز 1.4 ایم ٹی: ایک مختصر تقابل!

ٹویوٹا یارِس انڈس موٹر کمپنی (IMC) کےمشہور کرولا ماڈل کے 1.3-لیٹر ویرینٹس کی جگہ متعارف کروائی جا رہی ہے۔ ٹویوٹا یارِس چھ مختلف ویرینٹس میں آ رہی ہے۔ آنے والی یہ سیڈان پاکستان کے آٹو سیکٹر میں ہونڈا سٹی اور سوزوکی سیاز کا مقابلہ کرے گی۔ 

اس تحریر میں ہم یارِس کے بنیادی ماڈل یعنی GLI 1.3L (1329cc) MT کا اس کی مقابل سوزوکی سیاز 1.4L (1373cc) MT سے تقابل کریں گے۔ 

آئیے دیکھتے ہیں کہ یہ دونوں کاریں مارکیٹ میں اپنے صارفین کو کیا پیش کرتی ہیں۔ 

انجن اور کارکردگی 

ٹویوٹا یارِس 4-سلنڈر اِن-لائن 16 والو DOHC مع VVT-I 1329cc 1NR-FE انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر زیادہ سے زیادہ 98 hp اور 4200 RPM پر 123 Nm کا زیادہ سے زیادہ ٹارک پیدا کر سکتا ہے۔ یارِس 5-اسپیڈ مینوئل ٹرانسمیشن سے لیس ہے۔ 

دوسری جانب سوزوکی سیاز ملٹی-پوائنٹ انجکشن (MPI) سسٹم کے ساتھ 4-سلنڈر 16-والو 1373cc VVT K14B انجن میں آتی ہے۔ یہ 6000 rpm پر 91 hp کی زیادہ سے زیادہ طاقت اور 4000 rpm پر 130 Nm کا زیادہ سے زیادہ ٹارک پیدا کرتا ہے۔ یہ مخصوص ویرینٹ 5-اسپیڈ مینوئل ٹرانسمیشن کے ساتھ آتا ہے۔ 

بریکنگ اور سسپنشن: 

ٹویوٹا یارِس کے اگلے پہیوں میں وینٹی لیٹڈ ڈِسک بریکس اور پچھلے حصے میں ڈرم بریکس ہیں۔ بہترین بریکنگ تجربے کے لیے کمپنی نے بریک اسسٹ (AB) بھی فراہم کیا ہے۔ یارِس کا فرنٹ سسپنشن میک فرسٹ اسٹرٹ سے لیس ہے، جبکہ پچھلا سسپنشن ٹورشن بِیم کا حامل ہے۔ 

سوزوکی سیاز اگلے پہیوں میں وینٹی لیٹڈ ڈسک بریکس اور پچھلے میں لِیڈنگ اینڈ ٹریلنگ ڈرم بریکس رکھتی ہے۔ سیاز کا سسپنشن اگلے حصے میں میک فرسن اسٹرٹ مع کوائل اسپرنگ سے لیس ہے جبکہ پیچھے ٹورشن بیم مع کوائل اسپرنگ ہے۔ 

پیمائش اور گنجائش: 

یارِس کی لمبائی اور چوڑائی بالترتیب 4425 ملی میٹر اور 1730 ملی میٹر ہے۔ اونچائی کے معاملے میں یہ کار 1475 ملی میٹر اونچی ہے۔ ٹویوٹا یارِس کا ویل بَیس اور کم از کم ٹرننگ ریڈیئس 2250 ملی میٹر اور 5.1 میٹر ہیں۔ لگیج کمپارٹمنٹ 476 لیٹر کی گنجائش رکھتا ہے جبکہ فیول ٹینک 42 لیٹر تک ایندھن محفوظ رکھ سکتا ہے۔ 

اس کے مقابلے میں سوزوکی سیاز زیادہ لمبائی رکھتی ہے یعنی 4490 ملی میٹرز، جبکہ چوڑائی اور اونچائی بالکل یارِس جتنی ہی ہے، بالترتیب 1730 ملی میٹرز اور 1475 ملی میٹرز۔ کار وِیل بیس اور کم از کم گراؤنڈ کلیئرنس بالترتیب 2650 ملی میٹرز اور 160 ملی میٹرز ہیں۔ سیاز کا کم از کم ٹرننگ ریڈیئس 5.4 میٹرز ہے۔ اسٹوریج گنجائش کے لحاظ سے کار لگیج کمپارٹمنٹ میں 490 لیٹرز کی گنجائش رکھتی ہے اور فیول ٹینک 42 لیٹرز کی گنجائش کے ساتھ آتا ہے۔ 

ایکسٹیریئر: 

ٹویوٹا یارِس باہر سے ایک اسٹائلش اور خوبصورت گاڑی ہے۔ اگلے حصے میں یہ ایک 4-بیم ہیلوجن لیمپ ہیڈلائٹ رکھتی ہے جبکہ اس ویریئنٹ میں ڈے ٹائم رننگ لیمپس نہیں ہیں۔ یہ ایک فرنٹ ریڈی ایٹر گرِل رکھتی ہے۔ یارِس کے اس ویرینٹ میں کوئی فوگ لیمپ نہیں ہے۔ اس میں دروازوں کے بیرونی ہینڈلز باڈی کی رنگت کے ہی ہیں اور سائیڈ وِیو مررز کے اندر سائیڈ ٹرن سگنلز بھی لگے ہوئے ہیں۔ وِنڈ شیلڈ سبز رنگ کی تہہ رکھتی ہے اور فرنٹ وِنڈ اسکرین intermittent وائپرز کی حامل ہے۔ پچھلے حصے میں ایک شارٹ پول انٹینا ہے۔ اس کے نیچے ریئر کمبی نیشن لیمپس کے درمیان ایک ریئر کروم گارنِش ہے۔ خوبصورت شکل و صورت کے لیے آٹومیکر نے ریئر لیمپس میں LED لائن گائیڈ اور ریئر بمپر کے نچلے حصے پر ایک رفلیکس رفلیکٹر دیا ہے۔ کمپنی کی جانب سے اسٹینڈرڈ ٹائر سائز 185/60 R15 دیا گیا ہے اسٹیل وِیلز اور فُل ویل کیپس کے ساتھ۔

سوزوکی سیاز اسٹینڈرڈ کے طور پر پروجیکٹر ہیلوجن ہیڈلیمپس کے ساتھ اور باڈی کی رنگت کے اگلے اور پچھلے بمپرز کے ساتھ آتی ہے۔ فرنٹ ریڈی ایٹر گرِل کروم گارنِش کی حامل ہے۔ ڈور مررز اور سائیڈ ویو مررز بھی باڈی کی رنگت کے ہی ہیں۔ وِنڈ شیلڈ وائپرز ایڈجسٹ ایبل intermittent اور واشر کے ساتھ 2-اسپیڈ کنٹرول سے چلتے ہیں۔ کار کا فینڈر بھی اپنے اندر ٹرن سگنلز رکھتا ہے۔ سیاز کا اسٹینڈرڈ ٹائر سائز 185/65 R15 ہے، جو اسٹیل ویلز کے ساتھ 15 انچ کے فُل ویل کوَرز کے ساتھ آتے ہیں۔ پچھلے حصے میں ایک ہائی ماؤنٹڈ اسٹاپ لیمپ بھی لگا ہوا ہے۔

انٹیریئر: 

یارِس کا انٹیریئر کشادہ اور اسٹائل میں حیرت انگیز لگتا ہے۔ اس کی کپڑے کی نشستیں ivory رنگ کی ہے جو دو رنگوں کے انٹیریئر میں خوب جچتی ہیں۔ یارِس کے انٹیریئر کی دیگر اہم خصوصیات یہ ہیں:

• مینوئلی کنٹرولڈ ایئر کنڈیشنر + ہیٹر 
• ملٹی انفارمیشن ڈسپلے
• بیرونی درجہ حرارت کا ڈسپلے
• اینالوگ اسپیڈومیٹر
• ٹیکومیٹر
• ریموٹ ٹرنک اوپنر 
• 3-اسپوک ٹِلٹ-ایڈجسٹ ایبل اسٹیئرنگ وِیل
• پیچھے 3 الگ الگ ہیڈ ریسٹس 
• روشن اِنٹری سسٹم
• پاور وِنڈوز
• Ivory رنگت کا انٹیریئر
• کپڑے سے بنی ڈور ٹرِم ornament 
• اسٹینڈرڈ گیئر شفٹ لیور 
• رنگین اِن سائیڈ ڈور ہینڈلز
• فلور میٹس
• سن وائزرز 
• فرنٹ پرسنل اور رُوم لیمپ
• Vanity آئینہ (ڈرائیور + مسافر) 
• سینٹر کونسول باکس 
• 12V پاور آؤٹ لیٹ
• ڈجیٹل کلاک

دوسری جانب سوزوکی سیاز مکمل سیاہ انٹیریئر میں بہترین آرام اور کشادہ کیبن دیتی ہے۔ سوزوکی سیاز میں شامل فیچرز کی وسیع رینج میں شامل ہیں: 

• ڈرائیور کی سیٹ میں ہائٹ ایڈجسٹمنٹ 
• اسٹینڈرڈ فیبرک سیٹس 
• بیک پاکٹ (ڈرائیور اور مسافر کی سِیٹ میں) 
• پچھلی سیٹوں پر ہیڈریسٹس 
• پچھلی سیٹوں کے درمیان میں آرم ریسٹ کپ ہولڈرز کے ساتھ
• پاور ڈور لاکس
• مینوئلی-کنٹرولڈ ایئر کنڈیشنر + ہیٹنگ 
• پولن فلٹر
• پاور وِنڈوز
• الیکٹرک ٹرنک اوپنر 
• الیکٹرک آؤٹ سائیڈ مررز 
• اسِسٹ گرِپس 
• سن وائزرز 
• فیبرک ڈور ٹرِم 
• پاور اسٹیئرنگ ٹِلٹ-ایڈجسٹ ایبل فیچر کے ساتھ 
• میٹر کلسٹر میں سفید روشنی 
• ٹیکومیٹر 
• اسپیڈومیٹر درجہ حرارت، ایندھن کی کھپت اور گھڑی کے ساتھ 
• درمیان میں accessory ساکٹ 
• رُوم اور لگیج لیمپ

سیفٹی اور سکیورٹی: 

1329cc کی ٹویوٹا یارِس کا بہترین پہلو اس کے سیفٹی اور سکیورٹی فیچرز ہیں، جو مارکیٹ میں موجود دیگر مقابل گاڑیوں کے مقابلے میں کہیں زیادہ ہیں۔ یارِس کے تمام 6 ویریئنٹس ایک جیسے اسٹینڈرڈ سیفٹی اور سکیورٹی فیچرز رکھتے ہیں۔ آئیے ان پر ایک نظر ڈالتے ہیں:

• سینٹرل ڈور لاکنگ
• ABS+EBD
• SRS ایئربیگز (ڈرائیور + مسافر) 
• کِی ریمائنڈر وارننگ
• ہِل-اسٹارٹ اسسٹ سسٹم
• وہیکل اسٹیبلٹی کنٹرول (VSC) مع ٹریکشن کنٹرول
• فیول آٹو کَٹ 
• اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
• پچھلے حصے میں 3-پوائنٹ ELR کے ساتھ 3 سیٹ بیلٹس 
• ISOFIX چائلڈ سیٹ اینکرز
• چوری سے بچانے کے لیے سسٹم اموبیلائزر کے ساتھ 
• لائٹ ریمائنڈر وارننگ
• ہائی ماؤنٹ اسٹاپ لیمپ

پاک سوزوکی اپنی 1.4L (1373cc) سیڈان میں مختلف سیفٹی اور سکیورٹی فیچرز پیش کرتی ہے کہ جن میں مندرجہ ذیل شامل ہیں: 

• ایئر بیگز (ڈرائیور + مسافر) 
• اینٹی-لاک بریکنگ سسٹم (ABS) + الیکٹرانک بریکنگ ڈسٹری بیوشن (EBD) 
• چائلڈ پروف ریئر ڈور لاکس و
• اموبیلائزر
• سکیورٹی الارم سسٹم
• پیڈل ریلیز سسٹم
• سائیڈ امپیکٹ پروٹیکشن بِیم 
• کی لیس انٹری 
• ہائی ماؤنٹ اسٹاپ لیمپ

انٹرٹینمنٹ فیچرز: 

آٹومیکر نے یارِس میں 3 لائنز LCD ڈسپلے کے ساتھ ایک اِن-ڈیش آڈیو سسٹم فراہم کیا ہے۔ یہ جدید بلوٹوتھ کا کنیکٹیوِٹی فیچرز بھی پیش کرتا ہے کہ جس میں 2 فونز، ہینڈز فری اور 5 فونز تک سے زبرست میوزک اسٹریمنگ شامل ہے۔ یہ MP3، CD پلیئر اور ریڈیو کے ساتھ ساتھ USB اور AUX کنیکٹیوِٹی فیچرز بھی رکھتی ہے۔ آٹو مینوفیکچرر کی جانب سے گاڑی میں 2 اسپیکرز دیے گئے ہیں۔

سوزوکی سیاز بنیادی لیول کے انٹرٹینمنٹ سسٹم سے لیس ہے کہ جس میں AM/FM ریڈیو، MP3 اور USB کنیکٹیوِٹی شامل ہیں۔ اس کے ساتھ ایک ریئر گلاس ماؤنٹڈ انٹینا فراہم کیا گیا ہے۔ یہ سیڈان چار اسپیکرز رکھتی ہے۔ 

قیمت: 

ٹویوٹا یارِس مقامی مارکیٹ میں بہت اچھی قیمت پر متعارف کروائی گئی ہے۔ سوزوکی سیاز کے اس مخصوص ویرینٹ کے مقابلے میں اس کی قیمت 49,000 روپے زیادہ ہے۔ آئیے دونوں کاروں کی ایکس-فیکٹری قیمتیں دیکھتے ہیں: 

• ٹویوٹا یارِس GLi 1.3 (1329cc) MT: قیمت 23,49,000 روپے (تعارفی قیمت) 
• سوزوکی سیاز 1.4L (1373cc) MT: قیمت 23,00,000 روپے 

یہ دونوں مقابل گاڑیاں تقریباً ایک جتنی قیمت پر دستیاب ہیں۔ البتہ دونوں گاڑیوں میں کچھ ایسے فیچرز ہیں جو مختلف صارفین کے لیے کشش کا باعث بن سکتے ہیں۔ بہرحال، ٹویوٹا یارِس کا اضافہ پاکستان کی آٹوموبائل انڈسٹری میں ایک ایسا قدم ہے کہ جس کا شدت سے انتظار کیا جا رہا تھا۔ نئی یارِس سے بہت سی امیدیں وابستہ ہیں کیونکہ یہ IMC کے مشہورِ زمانہ ماڈل کی جگہ لے رہا ہے۔ اس لیے یہ دیکھنا دلچسپ ہوگا کہ آئندہ دنوں میں مقامی آٹو سیکٹر کیا ردعمل دکھاتا ہے۔ یاد رکھیں کہ یارِس کی بکنگ پہلے ہی شروع ہو چکی ہے، اور آٹومینوفیکچرر اپریل 2020ء سے ڈلیوریز بھی شروع کر دے گا۔

ٹویوٹا یارِس GLi 1.3 MT کی مکمل خصوصیات اور تفصیلات دیکھنے کے لیے کلک کریں 

سوزوکی سیاز MT کی مکمل خصوصیات اور تفصیلات دیکھنے کے لیے کلک کریں 

یارِس اور سوزوکی سیاز کے ساتھ اِس کے تقابل کے بارے میں آپ کی رائے کیا ہے؟ ہمیں نیچے تبصروں میں ضرور آگاہ کریں اور مقامی آٹو سیکٹر میں ٹویوٹا یارِس کی مقابل گاڑیوں کے ایسے ہی مزید بلاگز کے لیے پاک ویلز پر آتے رہیے۔