بھارت اور تھائی لینڈ کے بعد 7 جنریشن ہنڈا سٹی کا فیس لفٹ اب ملیشیا میں بھی لانچ کر دیا گیا ہے۔ جس میں پہلے لانچ کیے گئے فیس لفٹس کی نسبت بہت سے تبدیلیاں کی گئی ہیں۔
سائز
نئے فرنٹ اور ریئر ڈیزائنز کے ساتھ اس فیس لفٹ سٹی کی لمبائی میں معمولی اضافہ کیا گیا ہے۔
سٹینڈرڈ ویرینٹس کی لمبائی 4,580 ملی میٹر ہے۔ یعنی لمبائی میں 27 ملی میٹر کا اضافہ کیا گیا ہے جبکہ RS ماڈلز کی لمبائی میں 36 ملی میٹر کا اضافہ کرتے ہوئے لمبائی 4589 ملی میٹر رکھی گئی ہے۔ تاہم، چوڑائی (1،748 ملی میٹر)، اونچائی (1،467 ملی میٹر)، اور وہیل بیس (2،600 ملی میٹر) میں کوئی تبدیلی نہیں کی گئی ہے۔
ویرینٹس
نئی لانچ ہونے والی کار کے نان ہائبرڈ ویریئنٹس S, E, V اور ایک نیا RS ہیں۔ جبکہ e: HEV RSواحد ہائبرڈ آپشن کے طور پر آتا ہے۔
سٹائل اور ڈیزائن
فیس لفٹ کے RS ماڈل میں کروم بار کو سیاہ رنگ کا رکھا گیا ہے جبکہ گرل ایک ہنی کامب ڈیزائن نظر آتا ہے جبکہ دیگر ویرینٹس میں گرل کا ڈیزائن میں ڈائمنڈ پیٹرن دیا گیا ہے۔ مزید برآں، RS ماڈلز میں رئیر ڈفیوزر، بوٹ سپوئلر، سائیڈ سکرٹس اور اپ ڈیٹ کردہ ‘RS’ بیجز شامل ہیں۔
انٹیرئیر
یہاں 8 انچ کا انفوٹینمنٹ یونٹ، ایک USB پورٹ، ایک اپ گریڈ شدہ ملٹی اینگل ریئر ویو کیمرہ نئے ڈیزائن کے ساتھ آتے ہیں۔
انجن
انجن یا مکینیکل کنفیگریشن میں کوئی تبدیلی نہیں کی گئی ہے۔ S، E، V، اور RS ویریئنٹس میں ایک ہی 1500 سی سی نیچرلی ایسپائریٹڈ اِن لائن 4 سلنڈر i- VTEC انجن دئیے گئے ہیں جو 120 ہارس پاور اور 145 نیوٹن میٹر ٹارک پیدا کرتا ہے۔
سیفٹی فیچرز
سیفٹی فیچرز کی بات کریں تو ہنڈا سٹی کے اس فیس لفٹ میں ہنڈا سینسنگ کے تحت دئیے گئے سیفٹی فیچرز کی فہرست ذیل میں دی گئی ہے۔
- لیڈ کار کی ڈیپارچر نوٹیفکیشن
- ایڈاپٹیو کروز کنٹرول
- فارورڈ کولیژن وارننگ
- لین کیپ اسسٹ سسٹم
- کولیژن مٹیگیشن بریکنگ سسٹم
- روڈ ڈیپارچر مٹیگیشن
- آٹو ہائی بیم وغیر
مزید یہ کہ گاڑی میں دئیے گئے 6 ایئر بیگز، واک اوے آٹو لاک، اے بی ایس اور ای بی ڈی بھی حفاظتی خصوصیات میں شامل ہیں۔
ہنڈا سٹی کے 2023 کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔
