ہنڈا سٹی کی ساتویں جنریشن جسے ساڑھے تین سال قبل لانچ کیا گیا تھا، کا فیس لفٹ ماڈل تھائی لینڈ کی مارکیٹ میں لانچ کر دیا گیا ہے۔ تھائی مارکیٹ میں سب سے پہلے ساتویں جنریشن ہنڈا سٹی لانچ کی گئی تھی لیکن یہ فیس لفٹ ویرینٹ تھائی مارکیٹ میں دیر سے لانچ کیا گیا ہے۔
سٹائل اور ڈیزائن
گاڑی کے فرنٹ پروفائل میں بہت سے تبدیلیاں نظر آتی ہیں۔ جس میں ایک چھوٹا کروم بار، ایک نئی گرل اور لوئر انٹیک ڈیزائن شامل ہے۔ نان RS ویرینٹ کی گرل میں ملٹی سلیٹ ڈیزائن ںظر آتا ہے جبکہ RS ماڈل میں دی گئی فرنٹ گرِل میں ہنی کامب پیٹرن نظر آتا ہے۔
اس کے علاوہ RS ماڈل میں سکڈ اسکرٹس، فوگ لیمپ اور سپورٹی لوئر ایپرن کے ساتھ آتے ہیں جو بلیک ٹرم کے ذریعے فوگ لیمپ کے انکلوژرز سے طور پر جڑ جاتے ہیں۔ ایک اور تبدیلی پیچھے والے بمپر میں دیکھی گئی ہے جس میں RS ورژن نمایاں ڈفیوزر نما عنصر کو نمایاں کرتے ہیں جو ان کے بلیک بوٹ لِڈ سپوئلر کو پورا کرتا ہے۔
انٹیرئیر
ہنڈا سٹی کے اس ویرینٹ کے انٹیرئیر کی بات کریں تو یہاں ڈیش بورڈ پچھلے ویرینٹ سے کافی حد تک ملتا جلتا ہے۔ تاہم VT ECٹربو ویرینٹ میں نیا 4.2 انچ TFT ملٹی انفارمیشن ڈسپلے آتا ہے۔
جہاں تک RS ماڈلز کا تعلق ہے، وہ لیدر اور سنتھٹک سیٹس کیساتھ آتا ہے جبکہ اس سے قبل ویرینٹ میں ایسا نہیں تھا۔ اس کے علاوہ SV ماڈل کے سنٹر کنسول اور دروازے کے پینلز پر گہرے سرخ مصنوعی چمڑے کی ٹرمز نظر آتی ہیں جو بلیک تھیم والے انٹیرئیر میں ایک متضاد اثر پیدا کرتی ہیں۔
پاور
ہنڈا سٹی کے اس فیس لفٹ ماڈل کے V, SV, RS ماڈل میں انجن میں کوئی تبدیلی نہیں کی گئی۔ ان میں 1000 سی سی ٹربوچارجڈ 3 سلنڈر پیٹرول انجن دیا گیا ہے جو 121 ہارس پاور اور 173 نیوٹن میٹر ٹارک پیدا کرتا ہے۔
اس کے علاوہ e:HEV ویرینٹس میں ہںڈا انٹیلیجنٹ ملٹی موڈ ڈرائیو ہائبرڈ سسٹم دیا گیا ہے جن میں موجود الیکٹرک موٹر107 ہارس پاور اور 253 نیوٹن میٹر ٹارک پیدا کرتی ہے۔
دیگر فیچرز
- آٹومیٹک پروجیکٹر ہیڈ لیمپ
- 15 -انچ الائے وہیل
- آٹومیٹک ایئر کنڈیشنگ
- کی لیس انٹری اور سٹارٹ
- ریموٹ انجن سٹارٹ
- آئیڈلنگ سٹاپ سسٹم
- 8 انچ کا ایڈوانسڈ ٹچ
- وائرلیس اینڈرائیڈ آٹو اور ایپل
- کار پلے
- چار سپیکرز
- چار ایئر بیگ
- ABS اور EBD
- بریک اسسٹ
- VSA
- ہل اسٹارٹ اسسٹ
- ملٹی اینگل ریورس کیمرہ (وی ویرینٹ کے علاوہ)
- آئسوفکس چائلڈ سیٹ اینکریج
نئی لانچ ہونے والے ہنڈا سٹی کے فیس لفٹ کے بارے آپ کا کیا خیال ہے؟ کمنٹس سیکشن میں ہمیں بتائیں۔
