جاپان میں ٹویوٹا 2024 ہائبرڈ ٹویوٹا کراؤن سپورٹ لانچ کر دی گئی ہے۔ یہ گاڑی کراؤن برانڈ کے نام کیساتھ لانچ کی گئی ہے۔ کراؤن عام طور پر سیڈان کار کے طور پر جانی جاتی ہے لیکن اب اسی برانڈ کے نام کیساتھ ایس یو ویز اور کراس اوورز بھی نظر آتی ہیں۔
سائز
ہائبرڈ ٹویوٹا کراؤن سپورٹ 4729 ملی میٹر لمبی، 1880 میٹر چوڑی اور 1565 ملی میٹر چوڑی ہے۔
ایکسٹیرئیر ڈیزائن
گاڑی کے ایکسٹیرئیر کی بات کریں تو یہاں 21 انچ کے الائے ویلز دئیے گئے ہیں۔ گاڑی کے فرنٹ پروفائل پر ٹویوٹا کا نیا ڈیزائن سگنیچر نظر آتا ہے۔ یہاں گاڑی کی ونڈ سکرین اور رئیر بمپر اس کی خوبصورتی کو بڑھاتے ہیں۔
انٹیرئیر
گاڑی کے انٹیرئیر کی بات کریں تو یہاں سب سے پہلے 12.3 انچ کی انفوٹینمنٹ ٹچ سکرین نظر آتی ہے جس کا ڈیزائن کراؤن کراس سے ملتا جلتا ہے۔
گاڑی میں نیا ٹویوٹا سیفٹی سینس ایڈوانسڈ ڈرائیور اسسٹنس سسٹم سوٹ بھی دیا گیا ہے۔ گاڑی میں پروایکٹیو ڈرائیونگ اسسٹ، ٹویوٹا ٹیم میٹ ایڈوانسڈ ڈرائیو جیسے فیچرز بھی ہیں۔
پاور
اس نئی گاڑی میں دو پاور ٹرینز نظر آتی ہیں:
- سیلف چارجنگ ہائبڑد
- پلگ اِن ہائبڑد سسٹم
سیلف چارجنگ ہائبرڈ ویرینٹ کراؤن کراس اوور سے اخذ کردہ 2.5Lای 4 پیرالل ہائبرڈ سسٹم کو استعمال کرتا ہے، جو کہ ایک الیکٹرک 4 ویل ڈرائیو سسٹم کے ذریعے چاروں پہیوں میں تقسیم کردہ 231 ہارس پاور کا مشترکہ آؤٹ پٹ تیار کرتا ہے۔
اگرچہ پلگ ان ہائبرڈ کے بارے میں تفصیلات محدود ہیں، ٹویوٹا نے اشارہ کیا ہے کہ اس میں ایک توسیع شدہ الیکٹرک گاڑی (EV) رینج ہوگی، ایک نئی اچھی صلاحیت والی لیتھیم آئن بیٹری بھی ہوگی۔
قیمت
ابتدائی طور پر ہائبڑڈ سپورٹ زیڈ گریڈ کی قیمت 39620 ڈالر رکھی گئی ہے۔ کمپنی اس گاڑی کی بکنگ کے آرڈرز لے رہی ہے۔ فی الحال، جاپان میں آرڈرز کھلے ہیں، ہائبرڈ ماڈل کی ابتدائی ڈیلیوری نومبر میں شیڈول ہے اور پلگ ان ہائبرڈ ویرینٹ دسمبر سے دستیاب ہوگا۔
