ہمارے باخبر ذرائع کے مطابق ایک دلچسپ خبر یہ ہے کہ گندھارا نسان نے پاکستان میں پانچ سے چھ JAC T6 پک اپ ٹرکس درآمد کرلیے ہیں۔
یہ CBU یونٹس تجرباتی مقاصد کے لیے استعمال کیے جائیں گے۔ یہ بات قابلِ ذکر ہے کہ گزشتہ سال یہ بتایا گیا تھا کہ کمپنی پاکستان میں جلد ہی ڈبل کیبن پک اپ JAC T6 پیش کرے گی۔ ہم نے اس خبر کی تصدیق اس وقت آفیشل ڈیلر سے بھی کی تھی۔ اور اب لگتا ہے کہ بالآخر یہ گاڑی پاکستانی مارکیٹوں کے لیے پیش کی جائے گی۔
CBU یونٹس کی تصویر ذیل میں دیکھیں:
ہمارے ذرائع کے مطابق ڈبل کیبن پک اپ ٹرک 2.0L ڈیزل ٹربو انجن سے لیس ہیں جو 6-اسپیڈ مینوئل ٹرانسمیشن رکھتا ہے جو 3600 rpm پر 134 hp اور 1600-2600 rpm پر 320 Nm ٹارک پیدا کرتا ہے۔ مزید برآں گاڑی کی پیمائش 5315mm x 1830 mm x 1815 mm (لمبائی x چوڑائی x اونچائی) ہے اور اس کا ویل بیس 3090 mm کا ہے۔ گاڑی کی وزن اٹھانے کی گنجائش 1041 کلوگرام ہے۔ مزید برآں، T6 کی قیمت لگ بھگ 30 لاکھ روپے ہوگی۔
یہ گاڑی فلپائنز سمیت دنیا کے مختلف ممالک میں مختلف رنگوں میں دستیاب ہے۔
بین الاقوامی سطح پر JAC T6 کئی خصوصیات کے ساتھ آتی ہے:
ٹائر پریشر سینسر
پاور ونڈوز
بلوٹوتھ کنیکٹیوٹی
ملٹی فنکشن اسٹیئرنگ ویل
سینٹرل لاکنگ
انفوٹینمنٹ سسٹم
ایئرکنڈیشننگ
USB سپورٹ
پارک ڈسٹینس کنٹرول وغیرہ کے لیے کیمرا۔ البتہ یہ معلوم نہیں کہ یہی خصوصیات مقامی طور پر فروخت ہونے والی T6 میں بھی دستیاب ہوں گی۔
پاکستانی سڑکوں پر JAC T6 کے تجربات کے علاوہ گندھارا نسان 2020ء کی دوسری ششماہی میں تین ڈاٹسن ماڈلز بھی مقامی مارکیٹ کے صارفین کے لیے پیش کرے گا۔ تفصیلات کے مطابق کمپنی جولائی 2020ء میں 1200cc ڈاٹسن کراس اسمبل کرے گی جبکہ 1200cc ڈاٹسن گو اور گو+ 2020ء کے اواخر میں پیش کی جائیں گی۔
ہماری طرف سے اتنا ہی، اپنے خیالات نیچے تبصروں میں ضرور پیش کریں۔
