حکومتِ پاکستان نے پیٹرولیئم مصنوعات کی قیمتوں میں 6 روپے فی لیٹر تک کا اضافہ کردیا ہے۔
31 مارچ 2019ءکو وزارتِ خزانہ نے اس سلسلے میں ایک نوٹیفکیشن جاری کیا۔ قیمتیں یکم اپریل سے 30 اپریل 2019ء تک لاگو رہیں گی۔ واضح رہے کہ پیٹرول کی قیمت میں 6 روپے فی لیٹر کا اضافہ کیا گیا ہے، جبکہ ہائی-اسپیڈ ڈیزل کی قیمت بھی 6 روپے بڑھی ہے۔ مٹی کے تیل کی قیمت میں 3 روپے فی لیٹر کا اضافہ ہوا ہے اور لائٹ اسپیڈ ڈيزل کی قیمت بھی 3 روپے فی لیٹر بڑھائی گئی ہے۔
نئی قیمتیں کچھ یوں ہیں:
پیٹرول: 98.89 روپے فی لیٹر
ہائی-اسپیڈ ڈیزل: 117.43 روپے فی لیٹر
مٹی کا تیل: 89.31 روپے فی لیٹر
لائٹ اسپیڈ ڈیزل: 80.54 روپے فی لیٹر
گزشتہ قیمتیں کچھ یوں تھیں:
پیٹرول: 92.89 روپے فی لیٹر
ہائی-اسپیڈ ڈیزل: 111.43 روپے فی لیٹر
مٹی کا تیل: 86.31 روپے فی لیٹر
لائٹ اسپیڈ ڈیزل: 77.54 روپے فی لیٹر
واضح رہے کہ آئل اینڈ گیس ریگولیٹری اتھارٹی (OGRA) نے وزارت خزانہ کو پیٹرولیئم مصنوعات کی قیمتوں میں 12 روپے فی لیٹر تک کا اضافہ تجویز کیا تھا۔
ہماری طرف سے اتنا ہی، اپنے خیالات تبصروں میں پیش کیجیے۔
