پاک ویلز آٹوموبائل انڈسٹری سروے رپورٹ 2018ء نے ظاہر کیا ہے کہ پاکستان کی آٹو انڈسٹری کے بگ تھری – سوزوکی، ہونڈا اور ٹویوٹا – نے ایک مرتبہ پھر کار مارکیٹ پر اپنا غلبہ قائم رکھا۔
نتائج کے مطابق پاکستان کی کار مارکیٹ میں دیگر آٹومیکرز کا حصہ محض 9 فیصد ہے۔ ٹویوٹا IMC سب سے زیادہ 35 فیصد مارکیٹ شیئر کے ساتھ پہلے نمبر پر ہے جبکہ پاک سوزوکی اور ہونڈا اٹلس کارز بالترتیب 29 اور 27 فیصد حصہ رکھتے ہیں۔
مزید پایا گیاکہ ٹویوٹا کرولا 20 فیصد مارکیٹ شیئر کے ساتھ بدستور سب سے کامیاب گاڑی رہی۔ ٹویوٹا کرولا کے بعد ہونڈا سٹی اور ہونڈا سوِک 12 اور 11 فیصد مارکیٹ حصہ لیتی پائی گئیں۔
ٹاپ 10 میں پاک سوزوکی کی دیگر گاڑیاں بھی موجود تھیں۔ سروے رپورٹ کے مطابق سوزوکی کلٹس کا مارکیٹ شیئر 8 فیصد رہا جبکہ سوزکی مہران 7 فیصد پر برقرار رہی کہ جو اَب بند کردی گئی ہے۔ سوزوکی ویگن آر (4 فیصد) اور سوزوکی سوئفٹ (2 فیصد) بھی گزشتہ سال کی مقبول ترین گاڑیوں میں برقرار رہیں۔
مقامی آٹو انڈسٹری کے لحاظ سے ٹویوٹا 35 فیصد مارکیٹ شیئر کے ساتھ غالب رہا۔ اس کے بعد پاک سوزوکی 28 فیصد اور ہونڈا 27 فیصد کے ساتھ رہے۔ دیگر مقامی آٹو میکرز نے صرف 11 فیصد حصہ پایا۔
2018ء کی سروے رپورٹ کے مطابق ہونڈا سوِک سال کی سب سے اعلیٰ کار رہی۔ ٹویوٹا فورچیونر کو سال کی بہترین SUV قرار دیا گیا۔
بہترین کار کے بیشتر ایوارڈز ان بگ تھری آٹومیکرز کے پاس رہے۔ ذیل میں بیسٹ کار ایوارڈز کے چند فاتحین ہیں جنہیں عوام نے متعلقہ کیٹیگری میں منتخب کیا:
کارکردگی: ہونڈا سوِک (لوکل) اور ٹویوٹا ایکوا (امپورٹڈ)
سیفٹی: ہونڈا سوِک (لوکل) اور ٹویوٹا لینڈ کروزر (امپورٹڈ)
آرام: ہونڈا سوِک (لوکل) اور ہونڈا ایکرڈ (امپورٹڈ)
قیمت کا بہترین نعم البدل: ہونڈا سٹی (لوکل) اور ٹویوٹا لینڈ کروزر (امپورٹڈ)
ایندھن بچت: سوزوکی ویگن آر (لوکل) اور ٹویوٹا ایکوا (امپورٹڈ)
ری سیل: ٹویوٹا کرولا (لوکل) اور ٹویوٹا لینڈ کروزر (امپورٹڈ)
یہ کوئی راز کی بات نہیں کہ ٹویوٹا، سوزوکی اور ہونڈا نے پاکستان کی آٹو انڈسٹری میں غلبہ برقرار رکھا ہوا ہے۔ یہ تین مقامی کار میکرز ہر سال ملک میں نئی گاڑیوں کی بڑی تعداد فروخت کرتے ہیں۔ یہ کہاجا سکتا ہے کہ ‘بگ تھری’ مقامی کار میکرز کو اتنے مقابلے کا سامنا نہیں اور مارکیٹ شعبوں کی واضح حد بندی کر چکے ہیں۔
واضح رہے کہ آٹوموٹِو ڈیولپمنٹ پالیسی 2016-2021ء کے مطابق پاکستان میں متعدد نئے آٹومیکرز گرین فیلڈ اور براؤن فیلڈ درجے حاصل کر چکے ہیں۔ مقامی آٹو مینوفیکچرنگ میں آنے والے نئے ادارے بگ تھری کو سخت مقابلہ دے سکتے ہیں۔
مکمل پاک ویلز آٹوموبائل انڈسٹری سروے 2018ء یہاں دیکھیں۔
پاکستان کی آٹوموٹِو انڈسٹری کی تازہ ترین خبریں حاصل کرنے کے لیے پاک ویلز کے ساتھ رہیے۔ آپ اپنے خیالات نیچے تبصروں میں پیش کر سکتے ہیں۔ دریں اثناء اپنی گاڑی کی ضروریات خریدنے کے لیے آپ آٹو پارٹس اسٹور کا وزٹ بھی کر سکتے ہیں۔
