لکی موٹرز نے حال ہی میں ایک پریمیم بی سیگمنٹ کراس اوور پیجو 2008 لانچ کی ہے۔ کِیا سٹونک اور پیجو 2008 کے تفصیلی موازنے کے بعد اب فرنچ کراس اوور کا موازنہ ایم جی زیڈ ایس کے ساتھ کریں گے۔
سائز
سائز کی بات کی جائے تو MGZS پیجو 2008 سے بڑی ہے۔ MGZS کی لمبائی 4314 ملی میٹر، چوڑائی 1809 ملی میٹر جبکہ اونچائی 1620 ملی میٹر ہے۔ دوسری جانب پیجو 2008 کی لمبائی 4300 ملی میٹر، چوڑائی 1770 ملی میٹر اور اونچائی 1550 ملی میٹر ہے۔
پاور
ZS میں 1500 سی سی VTi ٹیک آن ٹربو انجن دیا گیا ہے جو 112 ہارس پاور اور 150Nm ٹارک پیدا کرنے کی صلاحیت رکھتا ہے۔ اس کے علاوہ گاڑی میں 4 سپیڈ ٹرانسمشن دی گئی ہے۔ پیجو 2008 کی بات کی جائے تو اس فرنچ کار میں 1200 سی سی ٹربو انجن دیا گیا ہو جو 130 ہارس پاور اور 230Nm ٹارک پیدا کرتا ہے، گاڑی میں 6 سپیڈ ٹرانسمشن دی گئی ہے۔
یہاں پیجو 2008 کا پلڑا بھاری نظر آتا ہے۔
ایکسٹیرئیر
ایکسٹیرئیر کی بات کی جائے تو پیجو 2008 Allure ایک خوبصورت یورپین گاڑی ہے۔ جس میں خوبصورت کروم گرِل کے ساتھ 3-claw LEDہیڈلائٹس اور DRLs دی گئی ہیں جو گاڑی کو سپورٹی لُک دیتی ہے۔
دوسری جانب ZS ایک نمایاں فرنٹ گرِل، ہیلوجن پروجیکشن ہیڈلائٹ ڈیزائن اور 16 انچ کے الائے وہیلز کے ساتھ کچھ پرانی شکل رکھتی ہے۔ لہذا، یہاں بھی پیجو 2008 زیڈ ایس کو مات دیتی نظرآتی ہے۔
انٹیرئیر
ایم جی ZS اور 2008 Allure میں پُش سٹارٹ، سمارٹ کی انٹری اور 6 وے مینوئلی ایڈجسٹ ایبل ڈرائیور سیٹس مشترکہ فیچرز ہیں۔ اسکے علاوہ ZS میں 8 انچ کی ٹچ اسکرین، اینالاگ ایئر کنڈیشنگ اور پریمیم فیبرک سیٹیں ہیں جب کہ پیجو 2008 میں 7 انچ کی ٹچ اسکرین، آٹومیٹک کلائمیٹ کنٹرول سسٹم اور گرے سلائی کے ساتھ پریمیم TEP میٹریل سے بنی سیٹس ہیں۔
پیجو 2008 ایلور میں پینورامک سن روف، آئس بلیو ایمبیئنٹ لائٹنگ اور وائرلیس ٹرنک اوپنر جیسے اضافی فیچرز نظر آتے ہیں۔ جس سے ثابت ہوتا ہے کہ پیجو 2008 ZS سے زیادہ فیچرز پائے جاتے ہیں۔
سیفٹی
دونوں گاڑیوں میں 6 ایئر بیگز، الیکٹرانک سٹیبلٹی پروگرام، EBDکے ساتھ ABS، ہل سٹارٹ اسسٹ، الیکٹرک پارکنگ بریک، کروز کنٹرول اور رئیر پارکنگ سینسر دئیے گئے ہیں۔
دوسری فرنچ کراس اوور میں کچھ اضافی سیفٹی فیچرز دئیے گئے ہیں۔ جن میں ہائی بیم اسسٹ، لین کیپ اسسٹ، ڈرائیور اٹینشن اسسٹ، ایکٹیو بلائنڈ اسپاٹ ڈیٹیکشن اور فرنٹ پارکنگ سینسرز شامل ہیں جو اسے اپنے چینی حریف سے زیادہ محفوظ بناتے ہے۔
قیمت
پیجو 2008 نے MG ZS پر بلا شبہ سبقت حاصل کی۔ یہ ZS سے زیادہ طاقتور، خوبصورت اور فیچرز سے بھرپور اور محفوظ بھی ہے۔ جس کی وجہ سے کوئی بھی کمپیکٹ کراس اوور چینی گاڑی پر فرانسیسی کار کا انتخاب کرے گا۔ یہاں صرف ایک چیز جو آپ کو سوچنے پر مجبور کر سکتی ہے، وہ اس گاڑی کی قیمت ہے۔
