ہںڈا بائیک کی قیمتوں میں ایک بار پھر اضافہ

نئے سال کا آغاز ہوتے ہی اٹلس ہنڈا نے اپنی بائکس کی قیمتوں میں اضافہ کردیا ہے۔ اس سے قبل یاماہا نے اپنی تین بائکس کی قیمتوں میں اضافہ کیا تھا لیکن ہنڈا نے تمام بائکس کی قیمتیں بڑھا دی تھیں۔

ہنڈا بائکس کی نئی قیمتیں

کمپنی کی سب سے مشہور بائک ہنڈا سی ڈی 70 کی قیمت میں 3000 روپے کا اضافہ ہوا ہے۔ جس کے بعد بائک کی قیمت 94900 روپے سے بڑھ کر 97900 روپے ہو چکی ہے۔

CD 70 ڈریم کی قیمت میں بھی 3000 روپے کا اضافہ دیکھا گیا ہے جس کے بعد بائک کی قیمت 101500 روپے سے بڑھ کر 104500 روپے ہو چکی ہے۔

اسی طرح ہنڈا پرائڈر کی قیمت 130500 روپے سے بڑھا کر 133900 کر دی گئی ہے۔ یعنی بائک کی قیمت میں 3400 روپے کا اضافہ کیا گیا ہے۔

ہنڈا CG 125 کی قیمت بھی 152500 روپے سے بڑھا کر 155900 روپے کر دی گئی ہے، یعنی بائک کی قیمت میں 3400 روپے کا اضافہ کیا گیا ہے۔

اس کے علاوہ سپیشل ایڈیشن CG 125 کی قیمت میں بھی 3500 روپے کا اضافہ کیا گیا ہے۔ جس کے بعد گاڑی کی قیمت 182000 روپے سے بڑھ کر 185500 روپے کر دی گئی ہے۔

ہنڈا CB 125 F کی قیمت میں 9400 روپے کا اضافہ کیا گیا ہے، جس کے بعد گاڑی کی نئی قیمت 227900 ہو چکی ہے جبکہ پرانی قیمت 218500 روپے تھی۔

ہنڈا CB 150F کی قیمت 277500 روپے سے بڑھ کر 286900 روپے ہو چکی ہے۔ یعنی بائیک کی قیمت میں 9400 روپے اضافہ کیا گیا ہے۔

خیال رہے کہ نئی قیمتیں اب نافذ العمل ہیں۔

ہم نے ایک ماہ قبل ہنڈا بائکس کی قیمتوں میں اضافے کے بارے میں سنا تھا لیکن یہ جھوٹی خبر تھی۔ ہنڈا بائیکس کے اضافے کے بارے میں آپ کا کیا خیال ہے؟ نیچے دئیے گئے سیکشن میں اپنے خیالات کا اظہار کریں۔