چنگان نے پاکستان میں اپنی پہلی کراس اووع ایس یو وی اوشان X7 لانچ کر دی ہے۔ اس کے ساتھ ساتھ کمپنی نے گاڑی کے ویرینٹس، فیچرز اور خصوصیات اور قیمتوں سمیت تمام تفصیلات بھی ظاہر کر دی ہیں، لیکن سب سے پہلے یہ کہ گاڑی دیکھنے میں کیسی لگتی ہے۔ لہذا، ہم آپ کیلئے اوشان X7 کی خصوصی تصاویر لے کر آئے ہیں جو کہ ذیل میں دی گئی ہیں۔
ویریںٹس اور قیمتیں
چنگان نے اوشان X7 کے دو ویرینٹس کمفرٹ اور فیچر سینس لانچ کیے ہیں۔ اوشان X7 کمفرٹ 7 سیٹر ہے جبکہ اوشان X7 فیوچر سینس ایک 5 سیٹر گاڑی ہے۔ ان کی ایکس فیکٹری پرائسز یہ ہیں۔
- اوشان X7 کمفرٹ – 5750000 روپے
- اوشان X7 فیوچرسینس – 5950000 روپے
دونوں ویرینٹس کی تصاویر ذیل میں دی گئی ہیں۔ نیلے رنگ کی 5 سیٹر اوشان X7 فیوچر سینس ہے جبکہ سفید رنگ کی دوسری گاڑی 7 سیٹر کمفرٹ ویرینٹ ہے۔
بکنگ کی تفصیلات
کمپنی کے مطابق آپ گاڑی کے دونوں ویرینٹ 1200000 روپے میں بک کر سکتے ہیں۔
چنگان اوشان X7کے حریف
چنگان اوشان X7 کے مقامی مارکیٹ میں متعدد حریف ہوں گے جن میں کِیا سپورٹیج، ہیونڈائی ٹوسان، ہیوال جولین، ہیوال H6، پروٹون X70 اورگلوری 580 پرو شامل ہیں۔اوشان X7 کمفرٹ 7 سیٹوں والی کاروں جیسا کہ ٹویوٹا فارچیونر اور DFSK گلوری 580 پرو کا مقابلہ کرتی نظر آئے گی۔
چنگان پاکستان کو اپنی پہلی کراس اوور ایس یو وی کی کامیاب لانچنگ پر مبارکباد پیش کرتے ہیں۔ ہمیں امید ہے کہ یہ کار مقامی مارکیٹ کی کراس اوور کیٹیگری کی ایک قابل قدر اضافہ ثابت ہوگی۔ کراس اوور مارکیٹ میں پہلے سے ہی کافی گاڑیاں پائی جاتی ہے لیکن اوشان X7 نے یقینی طور پر وہ حاصل کر لیا ہے جو اسے اعلیٰ مقام حاصل کرنے کے لیے درکار ہوتا ہے۔
چنگن نے کار کو دو سیٹنگ سکیموں (5 سیٹر اور 7 سیٹر) والے ویرینٹس متعارف کروا کر ایک زبردست اقدام کیا ہے۔ آئیے دیکھتے ہیں کہ آیا یہ اقدام کمپنی کی منصوبہ بندی کے مطابق کام کرتا ہے یا نہیں۔
آپ کو نئی چنگان اوشان X7 کیسی لگی؟ کار کے بارے میں آپ کے تاثرات کیا ہیں؟ نیچے دئیے گئے کمنٹس سیکشن میں اپنی رائے کا اظہار کریں۔
