موٹروے پولیس نے ٹریفک قوانین کی خلاف ورزیوں پر قابو پانے کیلئے جرمانوں میں بڑے پیمانے پر اضافے کا اعلان کر دیا ہے۔
محفوظ سفر کو ترجیح دینے اور ٹریفک کے قوانین پر سختی سے تعمیل کروانے کیلئے نیشنل ہائی ویز اینڈ موٹرویز پولیس (NHMP) نے مختلف قوانین کی خلاف ورزیوں کے لیے جرمانے میں خاطر خواہ اضافے کا اعلان کیا ہے جو کہ 1 جنوری سے مؤثر ہوگا۔ جرمانے میں اضافے کا مقصد ڈرائیونگ کے لاپرواہی کو روکنا اور سب کے لیے محفوظ سفر کو یقینی بنانا ہے۔
ایچ آئی ڈی لائٹس پر عائد جرمانہ 300 روپے سے بڑھا کر 2000 روپے کر دیا گیا ہے یعنی کہ اس جرمانے میں 1700 روپے کا اضافہ کیا گیا ہے۔
جرمانوں میں بھاری اضافہ
خطرناک طریقے سے ڈرائیونگ کرنے والے موٹرسائیکل سواروں کو اب 5000 روپے کے بھاری جرمانے کا سامنا کرنا پڑے گا جو کہ پہلے 300 روپے تھا۔ اسی طرح بغیر ہیلمٹ گاڑی چلانے پر جرمانہ 200 روپے سے بڑھا کر 1000 روپے کر دیا گیا ہے۔
اسی طرح گاڑیوں میں حد سے زیادہ مسافر بٹھانے پر 5000 روپے جرمانہ مقرر کیا گیا ہے تاکہ دوران سفر کسی بھی غیر متوقع حادثے میں ہونے والے نقصان سے بچا سکے۔ اس سے قبل یہ جرمانہ 1500 روپے تھا۔
اس کے علاوہ تیز رفتاری پر عائد جرمانے پر عائد جرمانے میں بھی اضافہ دیکھا گیا ہے۔ جس کے تحت موٹر سائیکل سواروں کو 1500 روپے جبکہ مسافر گاڑیوں پر 2500 روپے جبکہ ہیوی ٹرانسپورٹ وہیکلز پر 5000 روپے جرمانہ عائد کیا گیا ہے۔
موٹروے پولیس کی جانب سے جرمانوں میں یہ اضافہ ٹریفک قوانین کی خلاف ورزی کرنے والوں کیلئے ایک اہم پیغام ہے کہ وہ ٹریفک قوانین کی خلاف ورزی کے نتائج کے بارے میں آگاہ رہیں اور ان اقدامات سے باز رہیں۔
