الیکٹرک سکوٹرز کے برانڈ نے پاکستان میں سستا ترین الیکٹرک سکوٹر لانچ کر کے انڈسٹری میں نیا جوش پیدا کر دیا ہے۔ سکوٹر کا نام فلپر رکھا گیا ہے جو کہ چار رنگوں میں آتا ہے، جن میں میٹ بلیک، سرخ، سبز اور نیلے رنگ شامل ہیں۔
کمپنی کی جانب سے فلپر سکوٹر کی قیمت 95000 روپے مقرر کی گئی ہے جو کہ 7 گھنٹوں میں مکمل چارج ہو جاتا ہے۔
فیچرز اور دیگر خصوصیات
اس سکوٹر میں 48V 12Ah لیڈ ایسڈ بیٹری دی گئی ہے جو کہ سکوٹر کو 35 سے 40 کلومیٹر چارج کی صلاحیت دیتی ہے۔ فلپر کی رفتار 25 کلومیٹر فی گھنٹہ ہے۔ اس کے علاوہ ڈیجیٹل میٹر رفتار، بیٹری لائف اور طے کیا گیا بتاتا ہے۔
اس سے قبل کمپنی اکتوبر میں 300000 روپے کی قیمت میں C1ائیر بھی لانچ کر چکی ہے، جس کی رفتار 70 کلومیٹر فی گھنٹہ ہے۔ سی ون ائیر ایک ہی بار چارج کرنے پر 120 کلومیٹر کی رینج رکھتا ہے۔ اس کے علاوہ Evee C1 اور Evee C1 پرو بھی لانچ کیے گئے ہیں جن کی قیمت 200000 اور 230000 روپے رکھی گئی ہے۔
Yadea کا الیکٹرک سکوٹر
چین کی الیکٹرک بائکس کی بڑی کمپنی Yadea نے پاکستان میں اپنا پہلا الیکٹرک سکوٹر متعارف کرایا ہے، جس نے شہریوں کی نقل و حرکت میں ایک نئے دور کا آغاز کیا ہے۔ جدید ترین خصوصیات سے مزین یہ الیکٹرک سکوٹر ماحول دوستی کا زبردست امتزاج پیش کرتا ہے۔
فیچرز اور خصوصیات
سکوٹر میں اہم ترین چیز TTFAR ٹیکنالوجی ہے جو کہ الیکٹرک سکوٹر کے تجربے کو ایک الگ رنگ دیتی ہے۔ سکوٹر میں 72V 26AHرافین بیٹری دی گئی ہے۔ یہ الیکٹرک سکوٹر ایک ہی چارج پر 105 کلومیٹر کی متاثر کن رینج کیساتھ آتا ہے جبکہ ایوریج سپیڈ 50 کلومیٹر ہے۔
مزید یہ کہ اس سکوٹر کو محض 2.5 یونٹ بجلی درکار ہے، جو اس کی کارکردگی کو واضح کرتی ہے۔
اس الیکٹرک سکوٹر میں ری جنریٹو بریکنگ سسٹم بھی متعارف کروایا گیا ہے جو کائنیٹک انرجی کو الیکٹرک پاور میں تبدیل کرکے کارکردگی کو بڑھاتا ہے۔
