ٹویوٹا یارس کی قیمتوں میں کمی کا اعلان

گاڑیوں کی قیمتوں میں کمی کا سلسلہ جاری ہے۔ انڈس موٹر کمپنی (IMC) نے اپنی سیڈان ٹویوٹا یارس کی قیمتوں میں کمی کا اعلان کیا ہے۔ کمپنی کی جانب سے جاری کردہ نوٹیفکیشن میں کہا گیا ہے کہ صارفین کی اطمینان کو ترجیح دیتے ہوئے گاڑیوں کی قیمتوں میں کمی کی گئی ہے۔

خیال رہے کہ نئی قیمتیں 14 مارچ 2024 سے لاگو ہوں گی۔

ٹویوٹا یارس کی نئی قیمت

ٹویوٹا یارِس کے چار ویرینٹس کی نئی قیمتیں یہ ہیں:

•  یارس GLI MT 1.3 کی قیمت 4326000 روپے ہو گی جبکہ گاڑی کی پرانی قیمت 4399000 روپے تھی۔ یعنی کہ گاڑی کی قیمت میں 73000 روپے کی کمی کی گئی ہے۔
• اسی طرح یارس GLI 1.3 CVT کی قیمت میں بھی 73000 روپے کی کمی دیکھی گئی۔ جس کے بعد گاڑی کی قیمت کم ہو کر 4616000 روپے ہو چکی ہے جبکہ پرانی قیمت 4689000 روپے تھی۔
• یارس کے تیسرے ویرینٹ ATIV MT 1.3 کی نئی قیمت 4586000 روپے ہو چکی ہے جبکہ پرانی قیمت 4659000 روپے تھی۔ یعنی گاڑی کی قیمت میں بھی 73000 روپے کمی کی گئی ہے۔
• یارس  ATIV 1.3 CVTکی قیمت میں 133000 روپے کمی کی گئی ہے۔ جس کے بعد گاڑی کی قیمت کم ہو کر 4766000 روپے ہو چکی ہے جبکہ پرانی قیمت 4899000 روپے تھی۔

شرائط و ضوابط

یہ ایکس فیکٹری کراچی کی قیمتیں خالصتاً عارضی ہیں اور تبدیل کی جا سکتی ہیں اور ڈیلیوری کے وقت کی قیمت لاگو ہوگی۔

ان قیمتوں میں سیلز ٹیکس، FED 1% CVT، اور ڈیلر کا کمیشن شامل ہے۔

یاد رہے کہ کل کمپنی نے امپورٹڈ گاڑیوں کی قیمتوں میں 3.7 کروڑ روپے کی بڑی کمی کا اعلان کیا تھا۔ کمپنی نے کہا کہ ایل سیز پر پابندی کی وجہ سے ہم امپورٹڈ گاڑیاں نہیں بیچ رہے تھے لیکن اب ہم نے آرڈرز لینا شروع کر دئیے ہیں۔

امپورٹڈ گاڑیوں کی نئی قیمتیں

کمپنی نے اپنی دو گاڑیوں کی قیمتوں میں کمی کی ہے۔

• ٹویوٹا کیمرے5 ہائبرڈ کی قیمت میں 23869000 روپے کی زبردست کمی دیکھی گئی ہے۔ جس کے بعد گاڑی کی قیمت 53859000 روپے سے کم ہو 29990000 روپے ہو گئی ہے۔
• اسی طرح لینڈ کروزر 300 ZX کی قیمت میں 36829000 روپے کی کمی کی گئی ہے جس کے بعد گاڑی کی قیمت 156829000 روپے سے کم ہو کر 120000000 روپے ہو گئی ہے۔

ٹویوٹا یارس کی نئی قیمتوں کے بارے میں آپ کا کیا خیال ہے؟ کمنٹس سیکشن میں ہمیں بتائیں۔