ماسٹر چنگان پاکستانی آٹو موٹیو انڈسٹری میں اپنی ایس یو وی اوشانX7 کے لیے تازہ ترین اپ گریڈ کا اعلان کیا ہے جو چنگان ایلسوین بلیک ایڈیشن کے فورا بعد دوسری بڑی خبر ہے۔ اوشان X7فیوچرسینس ویریئنٹ میں سامنے آنے والی نئی اپ گریڈز نہ صرف ایک ایکسٹیرئیر میں تبدیلی لے کر آئی ہیں بلکہ بلکہ ٹیراکوٹا انٹیرئیربھی متعارف کروایا ہے۔
اس کے علاوہ کمپنی نے گاڑی کے دو نئے رنگ بھی متعارف کرائے ہیں جن میں نیلا اور سرخ رنگ شامل ہیں۔ پرانے اورین بلیو کی جگہ نیا نیپچون بلیو رنگ سامنے آیا ہے۔
ایکسٹیرئیر میں کی گئی تبدیلیاں
- نیا فرنٹ گرِل ڈیزائن
- نئے رمِز
- ایلومینیم کروم ایکسنٹ
- گاڑی کے فرنٹ اور رئیر پروفائل میں نیا چنگان ایمبلم
- نیا فرنٹ کیمرہ
نیا انٹیرئیر
- نیا ٹیراکوٹا انٹیرئیر
- 10 انچ کلسٹر میٹر
- ایںڈرائیڈ آٹو اینڈ کار پلے سپورٹ
- وائس کمانڈ فیچر
- نیا ہیومن مشین انٹرفیس
- پیسنجر اسسٹ گرِپ
- 360 کیمرہ
- سافٹ ٹچ سٹیرنگ بٹن
- رئیر سیٹ بیلٹ اور کپ ہولڈر
- فرنٹ سیٹ ٹچ ریڈنگ لیمپس اور ہیڈ کنسول
اوشان X7 کی قیمت
کمپنی کے مطابق اس فیس لفٹ کو تمام تینوں ویرینٹس میں متعارف کروایا گیا ہے۔ جن کی ابتدائی اور ایکس فیکٹری قیمتیں یہ ہیں۔
- اوشان X7 کمفرٹ 5 سیٹر کی ابتدائی قیمت 8099000 روپے ہے جبکہ اس کی ایکس ڈیلرشپ قیمت 8299000 روپے ہے۔
- اسی طرح فیوچرسینس 5 سیٹر روپے کی ابتدائی قیمت 8749000 روپے ہے جبکہ اس کی ایکس ڈیلرشپ قیمت 8949000 روپے ہے۔
- نئے ویرینٹ فیوچر سینس 7 سیٹر کی ابتدائی قیمت 8899000 روپے ہے جبکہ ایکس ڈیلرشپ قیمت 9099000 روپے ہے۔
چنگان پاکستان کا بیانیہ
کمپنی کے مطابق 1200 سی سی کارواں اور ایلسوین بلیک ایڈیشن کے بعد یہ تیسرا ماڈل اپ گریڈ ہے۔ چنگان پاکستان کے ڈائریکٹر مارکیٹنگ اینڈ سیلز شبیر الدین نے کہا کہ اوشان X7 فیوچرسینس کا نیا ویرینٹ 7 سیٹوں کے ساتھ متعارف کرایا گیا ہے تاکہ پورا خاندان انتہائی آرام کے ساتھ سفر سے لطف اندوز ہو سکے۔
گاڑی میں کی گئی تبدیلیوں کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔
