ایک نجی بس سروس کمپنی فیصل موورز نے لاہور تا اسلام آباد ایک بزنس کلاس بس سروس شروع کرنے کا اعلان مارچ 2017 میں کیا تھا۔ اس روٹ پر دوسری لگژری بس سروسز کی موجودگی کی وجہ سے فیصل موورز کو اپنی بزنس کلاس بس سروس کا آغاز کرنے کے لیے سخت مقابلہ کرنا پڑا۔
اس سخت مقابلہ کی وجہ سے اس بس سروس کا کرایہ صرف 900 روپے مقرر کیا گیا ہے جو کہ ڈائیوو اور ولوو کی نسبت انتہائی مناسب ہے۔
بری کسٹمر سروس اور نچلے درجے کے آپریشنل سٹینڈرڈ کی وجہ سے فیصل موورز پر شدید تنقید ہو رہی ہے۔ بہت سے مسافروں نے ان کے سٹاف کے رویہ کے خلاف شکایات درج کروائیں۔ ہم امید کرتے ہیں کہ نئی بزنس کلاس بس سروس کے آغاز سے ہمیں تصویر کا ایک بالکل الگ پہلو دیکھنے کو ملے گا۔ اس بزنس کلاس بس سروس میں موجود تمام سہولیات کی فہرست نیچے دی گئی ہے۔
ویڈیو آن ڈیمانڈ
ریفریشمنٹ
فون چارج کرنے کی سہولت
آرام دہ صوفہ سیٹس
ہائی سپیڈ انٹرنیٹ کنیکشن
فیصل موورز کا آغاز ایک اندرون شہر چلنے والی بس سروس کے طور پر 1994 میں ہوا تھا۔ پھر اس کمپنی نے اپنے آپریشنز کو دوسرے شہروں بشمول لاہور، اسلام آباد، راولپنڈی، پشاور، فیصل آباد، رحیم یار خان، اور مری تک وسعت دی۔ فیصل موورز خواجہ گروپ آف کمپنیز کی ملکیت ہے اور یہ دوسری بس سروسز کی نسبت کم کرایہ ہونے کی وجہ سے کافی بڑا کسٹمر بیس رکھتی ہے۔
