کِیا سٹونک بمقابلہ ٹویوٹا کرولا – تفصیلی موازنہ

کِیا سٹونک کے اسی سیگمنٹ کی دیگر گاڑیوں سے موازنے کی سیریز میں آج ہم کِیا سٹونک کا موازنہ ٹویوٹا کرولا گرینڈی ایکس (بیج انٹیرئیر) کے ساتھ کریں گے۔ ان دونوں گاڑیوں کی قیمت کسی حد تک ملتی جلتی ہے۔ مذکورہ گاڑیوں میں سے ایک بی سیگمنٹ سب کومپیکٹ کراس اوور ایس یو وی جبکہ دوسری گاڑی سی سیگمنٹ کوپیکٹ سیڈان ہے۔

پیمائش

کِیا سٹونک 4140 ملی میٹر لمبی، 1760 ملی میٹر چوڑی اور 1520 ملی میٹر اونچی ہے جبکہ اسکی ویل بیس 2580 ملی میٹر ہے جبکہ ٹویوٹا کرولا کی لمبائی 4620 ملی میٹر، چوڑائی 1775 ملی میٹر، اونچائی 1475 ملی میٹر جبکہ ویل بیس 2700 ملی میٹر ہے۔ لہذا، ٹویوٹا کرولا اپنے مدمقابل کِیا سٹونک کی نسبت زیادہ لمبی اور چوڑی ہے لیکن اس کی اونچائی کم ہے۔

سٹونک کی گراؤنڈ کلیئرنس 183 ملی میٹر جبکہ ٹویوٹا کرولا کی 153 ملی میٹر ہے۔

انجن اور ٹرانسمشن

کِیا سٹونک میں 1400 سی سی MPI انجن دیا گیا ہے جو کہ 100 ہارس پاور اور 133Nm ٹارک پیدا کرنے کی صلاحیت رکھتا ہے۔ دوسری جانب ٹویوٹا کرولا سوِک میں 1800 سی سی SFI انجن دیا گیا ہے جو 138 ہارس پاور اور 173Nm ٹارک پیدا کرتا ہے۔ اس موازنے سے پتہ چلتا ہے کہ ٹویوٹا کرولا سٹونک سے برتر ہے۔

اسی طرح سٹونک میں 6 سپیڈ آٹومیٹک رکھتی ہے جبکہ ٹویوٹا کرولا میں 7 سپیڈ سپورٹ CVT سیکوینشل شفٹ میٹک ٹرانسمشن دی گئی ہے۔ اس کے علاوہ دونوں گاڑیوں میں فرنٹ وہیل ڈرائیو ڈرائیوٹرین دی گئی ہے۔

ایکسٹیرئیر

کِیا سٹونک  ایل ای ڈی ہیڈ لائٹس، 4 سٹرپ ایل ای ڈی DRLs اور ہیلوجن فوگ لیمپس دئیے گئے ہیں جبکہ کرولا گریںڈی میں  LEDپروجیکشن ہیڈلائٹس، ایل ای ڈی DRLs اور فوگ لیمپس نظر آتے ہیں۔ دونوں گاڑیوں میں16 انچ الائے ویلز دئیے گئے ہیں۔ ٹائر سائز کا موازنہ کیا جائے تو سٹونک میں 195/55/R16 جبکہ سوِک 205/55/R16 ٹائر سائز دیا گیا ہے۔

انٹیرئیر

دونوں گاڑیوں میں ملٹی انفارمیشن ڈسپلے ایل سی ڈی کا سائز 4.2 ہے۔ تاہم سٹونک میں فلوٹنگ ٹچ سکرین کا سائز 8 انچ ہے۔ دوسری جانب کرولا میں 9 انچ ایل سی ڈی دی گئی ہے۔ دونوں گاڑیوں میں 6 وے مینوئل ایڈجسٹمنٹ، کی لیس انٹری، آٹو ائیر کنڈیشننگ اور کروز کنٹرول جیسے فیچرز دیکھنے کو ملتے ہیں۔

مختصر یہ کہ دونوں گاڑیوں کا انٹیرئیر فیچرز اور آپشنز ایک دوسرے سے کافی ملتا ہے۔

سیفٹی

دونوں گاڑیوں میں dual ائیر بیگز، ٹریکشن کنٹرول، ہِل اسسٹ، سٹیبلٹی کنٹرول، ABS اور ABD ، ٹائر پریشر مانیٹرنگ سسٹم اور رئیر کیمرہ جیسے سیفٹی فیچر موجود ہیں جبکہ سٹونک میں رئیر کمیرہ اضافی فیچر کے طور پر شامل ہے۔

قیمت

امید کی جا رہی ہے کہ کِیا سٹونک کی قیمت 35 سے 40 لاکھ روپے مقرر کی جائے گی جبکہ ٹویوٹا کرولا کی موجودہ قیمت 3869000 روپے ہے۔ اس طرح ان دونوں گاڑیوں میں سخت مقابلہ دیکھنے کو مل سکتا ہے۔