ٹویوٹا یارس کا ایک ویرینٹ پاکستان میں بند کر دیا گیا

انڈس موٹر کمپنی (IMC) نے اپنی بی سیگمنٹ سیڈان، ٹویوٹا یارِس کے ایک ویرینٹ کو بند کرنے کا اعلان کیا ہے۔ کمپنی کی جانب سے جاری کیے گئے آفیشل نوٹیفکیشن میں اعلان کیا گیا ہے کہ 14 مارچ 2024 کو ٹویوٹا یارس ایرو 1.3 سی وی ٹی کو بند کر دے گی۔

نوٹیفکیشن میں کہا گیا ہے کہ یارس 1.3 سی وی ٹی سسٹم سے ہٹا دی گئی ہے ڈیلرشپس سے درخواست کی جاتی ہے کہ وہ اپنی قیمتوں کی فہرستوں کو اپ ڈیٹ کریں اور اس کے مطابق اپنی سیلز ٹیموں کو بھی مطلع کریں۔ نوٹیفکیشن میں مزید لکھا ہے کہ کمپنی جلد ہی اس ویرینٹ کے موجودہ آرڈرز پر اپ ڈیٹس شیئر کرے گی۔

ٹویوٹا یارس ایرو

انڈس موٹر کمپنی نے ایرو ویرینٹ کو اپریل 2023 میں کچھ ایکسٹیرئیر اپ گریڈ کے ساتھ لانچ کیا۔ گاڑی میں سامنے آنے والی اپڈیٹس یہ ہیں:

• یونیک فوگ لیمپ کورز کے ساتھ ایرو فرنٹ بمپر ایکسٹینشن فوگلیمپ
• ایرو سائیڈ سکرٹس
• ایرو بمپر ایکسٹینشن۔
• ایرو سمارٹ ریئر ٹرنک سپوئلر

یارس 1.3 ایرو سی وی ٹی کی قیمت 5199000 روپے تھی۔

کمپنی نے یارس 1.3 ایرو سی وی ٹی کو بند کرنے کی وجہ نہیں بتائی ہے۔ تاہم، مارکیٹ کی صورت حال کو دیکھتے ہوئے گاڑی کی سیل میں کمی اس فیصلے کے پیچھے بنیادی وجہ ہوسکتی ہے۔ پاما کی طرف سے جاری کی گئی تازہ ترین رپورٹ کے مطابق، ٹویوٹا پاکستان کی فروخت میں 26 فیصد کمی واقع ہوئی۔ کمپنی نے جنوری 2024 میں 2762 گاڑیوں کے مقابلے میں گزشتہ ماہ 2036 یونٹس فروخت کیے۔

پروڈکشن بند

چند روز قبل ٹویوٹا پاکستان نے اعلان کیا کہ کمپنی 6 سے 11 مارچ تک 6 دن کیلئے پیداوار بند کرنے جا رہی ہے۔ اس اقدام کی وجہ نئی نہیں ہے، وہی پرانے مسائل جیسا کہ انوینٹری (آٹو پارٹس اور دیگر اجزاء) میں کمی اور سپلائی چین میں خلل کی وجہ سے درپیش چیلنجز وغیرہ۔

یارس 1.3 ایرو سی وی ٹی کو بند کرنے کے انڈس موٹرز پاکستان کے فیصلے پر آپ کا کیا خیال ہے؟ کمنٹس سیکشن میں ہمیں بتائیں۔