ہیونڈائی نشاط موٹرز نے ایڈوانس انکم ٹیکس میں تبدیلی کی وجہ سےسوناٹا 2.5L کی قیمت پر ٹیکس کی شرح میں ترمیم کی ہے۔ کمپنی کی جانب سے جاری کردہ نوٹیفکیشن میں کہا گیا ہے کہ حالیہ فنانس ایکٹ 2023 کے بارے میں ٹیکس پالیسیوں میں کی گئی ترامیم کی وجہ سے قیمت میں اضافہ کیا گیا ہے۔
کمپنی نے بتایا کہ 2001 سی سی اور اس سے اوپر کی انجن کی صلاحیت والی گاڑیوں کے لیے ایڈوانس انکم ٹیکس کو ایک مقررہ رقم سے گاڑی پر فیصد کی بنیاد پر ٹیکس ویلیو میں تبدیل کر دیا گیا ہے۔ ٹیکس کی رقم اب متغیر ہوگی اور گاڑی کی ایکس فیکٹری قیمت کے مطابق عائد کی جائے گی۔
نئی قیمتوں کا اطلاق یکم جولائی 2023 سے ہو گا۔
سوناٹا 2.5L کی نئی قیمت
کمپنی کے مطابق:
- سوناٹا 2.5L کی قیمت 11280000 روپے ہے جس پر 300000 روپے کا ایڈوانس ٹیکس عائد کیا گیا ہے۔ اسکے علاوہ فائلر کیلئے ٹیکس 6 فیصد کر دیا گیا ہے۔ جس کی وجہ سے گاڑی کی قیمت میں 376800 روپے اضافہ ہوا ہے۔
- اسی طرح نان فائلر کے لیے گزشتہ ٹیکس کی شرح 900000 روپے تھی لیکن اس پر نظر ثانی کر کے 18 فیصد کر دیا گیا ہے جس کی قیمت بڑھ کر 2030400 روپے ہو گئی ہے۔ یعنی کہ نان فائلر اگر سوناٹا 2.5L خریدنا چاہتے ہیں تو ان کو 1130400 روپے اضافی ادا کرنا ہوں گے۔
ایڈوانس ٹیکس میں تبدیلی
فنانس ایکٹ 2023 کے تحت ایڈوانس انکم ٹیکس کی نظر ثانی شدہ شرحیں یہ ہیں:
- 2100 سی سی سے 2500 سی سی تک انجن کی صلاحیت والی گاڑیوں کی قیمت پر 6 فیصد ٹیکس عائد کیا جائے گا۔
- 2501 سی سی سے 3000 سی سی تک انجن کی صلاحیت والی گاڑیوں کو ان کی قیمت کی بنیاد پر 8 فیصد ٹیکس کا سامنا کرنا پڑے گا۔
- اسی طرح 3000 سی سی سے زیادہ انجن کی صلاحیت والی کاروں پر ان کی قیمت کی بنیاد پر 10 فیصد ٹیکس عائد ہوگا۔
حکومت نے مبینہ طور پر بین الاقوامی مالیاتی فنڈ (آئی ایم ایف) کے مطالبے کے تحت ٹیکس نیٹ بڑھانے کے لیے ان ٹیکس کی شرحوں پر نظر ثانی کی ہے۔ نان فائلرز کے لیے شرح بڑھانے کے حوالے سے یہ قدم اچھا ہے کیونکہ اس طرح کے اقدامات سے حکومت کو زیادہ سے زیادہ شہریوں کو ٹیکس نیٹ میں لانے میں مدد ملے گی اور آمدنی میں اضافہ ہوگا۔
نئے ایڈوانس ٹیکس اور سوناٹا کی قیمت پر اس کے اثرات کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
