یاماہا کے بعد سوزوکی نے بھی بائکس کی قیمت میں اضافہ کر دیا

گزشتہ روز یاماہا نے اپنی بائکس کی قیمت میں اضافہ کیا جس کے بعد اب سوزوکی نے بھی ایسا ہی کیا ہے۔ صارفین کے لیے یہ حیران کن بات نہیں ہونی چاہیے کیوں کہ تمام بائک کمپنیز یاماہا کی پیروی کرتے ہوئے بائکس کی قیمتوں میں اضافہ کرتی ہیں۔

سوزوکی بائکس کی نئی قیمتیں

سوزوکی GD110S کی قیمت میں 5000 روپے اضافہ کیا گیا ہے جس کے بعد گاڑی کی قیمت 194000 روپے سے بڑھ ر 199000 روپے ہو چکی ہے۔

اسی طرح سوزوکی GS150 کی قیمت میں بھی 5000 روپے اضافہ کیا گیا ہے جس کے بعد گاڑی کی قیمت 210500 روپے سے بڑھ کر 215000 روپے ہو چکی ہے۔

سوزوکی GS150SE کی قیمت بھی 227000 روپے سے بڑھ کر 232000 روپے ہو گئی ہے یعنی اس بائک کی قیمت میں بھی 5000 روپے اضافہ کیا گیا ہے۔

آخر میں، سوزوکی نے GR150 کی قیمت میں 8000 روپے اضافہ کرتے ہوئے بائک کی قیمت 307000 روپے سے بڑھا کر 315000 روپے کردی ہے۔

گاڑیوں کی قیمتوں میں اضافے کے بعد اب بائکس کی قیمتیں بڑھانے کا سلسلہ شروع ہو چکا ہے۔ جس کے بعد گاڑیوں کی طرح بائکس بھی عوام کی پہنچ سے دور ہوتی جا رہی ہیں۔

بائکس کی قیمتوں میں اضافے بارے آپ کیا سوچتے ہیں؟  نیچے دئیے گئے کمنٹس سیکشن میں اپنی رائے کا اظہار کریں اور انتظار کریں کہ کب یونائیٹڈ اور ہنڈا اٹلس قیمتوں میں اضافے کا اعلان کرتے ہیں۔