پاکستان میں گاڑیوں کی قیمتیں بڑھنے کا سلسلہ پورے زور و شور سے جاری ہے۔ ہیونڈائی کے بعد اب پیجو پاکستان نے بھی ایک ہفتے میں دو بار قیمتوں میں اضافہ کیا ہے۔
کمپنی نے اپنی گاڑی پیجو 2008 کی قیمت میں 5 لاکھ روپے اضافہ کیا گیا ہے۔ اس سے قبل 21 فروری کو گاڑی کی قیمت میں 57000 روپے اضافہ کیا گیا ہے جس کی وجہ جی ایس ٹی ٹیکس میں 1 فیصد اضافہ تھا۔
پیجو 2008 کی نئی قیمتیں
پیجو 2008 ایکٹیو کی نئی قیمت 5959000 روپے سے بڑھ کر 6450000 روپے ہو چکی ہے یعنی گاڑی کی قیمت میں 5 لاکھ روپے اضافہ کیا گیا ہے۔
اسی طرح پیجو 2008 ایلور کی نئی قیمت 6656000 روپے سے بڑھ کر 7150000 روپے ہو چکی ہے یعنی گاڑی کی قیمت میں 494000 لاکھ روپے اضافہ کیا گیا ہے۔
خیال رہے کہ اوپر دی گئی نئی قیمتیں گاڑیوں کی ایکس فیکٹری قیمتیں ہیں۔
روپے کے مقابلے میں امریکی ڈالر کی شرح میں اضافے، درآمدات پر پابندی، فریٹ چارجز میں اضافے، اور سٹیٹ بینک آف پاکستان کی جانب سے ایل سیز بند ہونے کی وجہ سے آٹو انڈسٹری گزشتہ چند سالوں سے بہت غیر مستحکم ہے۔ جن کی وجہ سے آٹو انڈسٹری میں غیر پیداواری دن بھی آئے ہیں، جب کہ تازہ ترین رپورٹ میں انکشاف کیا گیا ہے کہ اس صنعت میں 250000 سے زائد افراد کی ملازمتیں ختم ہو چکی ہیں۔
قیمتوں میں اضافے کے جاری سلسلے کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔
