نئی 16 جنریشن ہائبرِڈ ٹویوٹا کراؤن سامنے آگئی ہے۔ اس سے متعلق بڑی اپ ڈیٹ یہ ہے کہ گاڑی 4 ماڈلز پر مشتمل ہے۔ یعنی کہ گاڑی کے 4 ویرینٹس سامنے آئے ہیں۔
ویرینٹس
گاڑی کے چاروں ویرینٹس کی باڈی اور سٹال کے بارے میں بات کریں تو پہلا ویرینٹ کراس اوور کی طرح نظر آتا ہے جبکہ دوسرا ویرینٹ سپورٹی کراس اوور ہے۔ اسی طرح تیسرا ویرینٹ روایتی طور پر ایک سیڈان ہے جبکہ چوتھا ویرینٹ کراس اوور سٹیشن ویگن ہے۔ تاہم، ٹویوٹا نے ان تینوں ویرینٹس کی تفصیلات ظاہر نہیں کیں۔ اس کے علاوہ یہ بھی واضح نہیں ہے کہ آیا ہر مارکیٹ میں چاروں باڈی اسٹائل لائے جائیں گے یا نہیں۔
تاہم، پہلی بار یہ نئے ماڈلز دنیا کے تقریباً 40 ممالک میں دستیاب ہوں گے۔ یہ تمام گاڑیاں ٹویوٹا کے نیو گلوبل آرکیٹیکچر/TNGA پر مبنی ہیں۔ خیال رہے کہ ٹویوٹا کراؤن امریکہ میں دستیاب تھی لیکن 1972 میں اسے بند کر دیا گیا تھا۔
گاڑی میں نیا کیا ہے؟
نئے کراؤن لائن اپ ماڈلز میں ڈرائیونگ ڈائنامکس کو مزید بہتر بنانے کیلئے لیزر سکرو ویلڈنگ (LSW) جیسی نئی ٹیکنالوجی استعمال کی گئی ہے۔ ہائی رائیڈنگ لفٹڈ ماڈل 194 انچ لمبا، 72.4 انچ چوڑا ہے جبکہ وہیل بیس 112.2 انچ ہے۔
اس سائز کی وجہ سے یہ مشہور فل سائز سیڈان ٹویوٹا ایولون سے قدرے چھوٹی ہے۔ خیال رہے کہ اس سال کے آغاز میں ٹویوٹا ایولون کو شمالی امریکہ میں بند کر دیا گیا تھا۔ لہذا، نئی آنے والی کراؤن کو درمیانے سائز کا کہا جا سکتا ہے۔
پاور
جہاں تک گاڑی کی پاور کا تعلق ہے، اس بار یہ صرف ہائبرڈ ہوگی۔ تمام ماڈلز میں 2500 سی سی نیچرلی ایسپائریٹڈ ہائبرڈ انجن دیا گیا ہے جو 230 ہارس پاور پیدا کرتا ہے (تصدیق کا انتظار ہے)۔ یہ انجن دو الیکٹرک موٹروں کے ساتھ جوڑا گیا ہے اور اس میں ECVT ٹرانسمیشن دی گئی ہے۔
اس کے علاوہ ٹاپ پلاٹینم ویرینٹ میں ایک بالکل نیا 2400 سی سی ہائبڑڈ T24A-FTS انجن دیا گیا ہے۔ یہ 4 سلنڈر ٹربو انجن ہے جس میں ڈوئل بوسٹ ہائبرڈ سسٹم ہے۔ اس ماڈل میں ٹارک کو زیادہ سے زیادہ کرنے کے لیے ایک الیکٹرک موٹر کا استعمال کیا گیا ہے۔ مزید برآں، ECVT کے بجائے 6 سپیڈ روایتی ٹرانسمیشن سٹینڈرڈ ہے جو عام طور پر ٹویوٹا ہائبرڈ گاڑیوں کے ساتھ نظر آتی ہے۔ یہ انجن + موٹر ہائبرڈ سیٹ اپ تقریباً 340 ہارس پاور پیدا کرے گا۔ دریں اثنا، دونوں انجن ورژن کے لیے AWDبھی ایک آپشن ہے۔
ڈرائیو موڈز
یہ ایک ایسا سسٹم ہے جس میں رئیر ایکسل پر الیکٹرک موٹر دی گئی ہے اور کمپنی اسے ای فور سسٹم کہتی ہے۔ مختلف ویریںٹس کے لحاظ سے ایکو، نارمل اور سپورٹ جیسے ڈرائیونگ موڈز دستیاب ہیں حالانکہ ٹاپ ویرینٹ میں کسٹم کے ساتھ سپورٹ ویرینٹ بھی ملتا ہے۔
اںٹیرئیر ڈیزائن
انٹیرئیر ڈیزائن گاڑی کے پریمیم ہونے کا احساس دلاتا ہے۔ گاڑی میں 12.3 انچ کا ڈیجیٹل کلسٹر، 12.3 انچ انفوٹینمنٹ سکرین دی گئی ہے جو میں سیل فون انٹیگریشن اور 4 جی وائی فائی کنیکٹیویٹی آفر کرتی ہے۔ اس کے علاوہ کمپنی JB 11 سپیکر سسٹم بھی آفر کرتی ہے۔ گاڑی میں فکس شدہ پینورامک روف، ڈوئل زون کلائمیٹ کنٹرول، پریمیم لیدر،پاور ڈرائیور اور پیسنجر سیٹس ہیں جبکہ بیس ماڈل میں فیبرک سیٹس موجود ہیں۔
