یوم آزادی کی آمد کے ساتھ ہی ہنڈا کمپنی نے ایک منفرد 14 پوائنٹ بائک انسپیکشن جیسی آفر متعارف کروائی ہے۔ یہ پروموشن 7 سے 12 اگست تک دستیاب ہو گی اور کمپنی کے ایس 4 سروس سنٹرز سے حاصل کی جا سکتی ہے۔ فیس بک پر ایک کسٹمر کی جانب سے سوال کیے جانے پر کمپنی نے تصدیق کی کہ یہ سروس تمام موٹر سائیکل ماڈلز کے لیے کھلی ہے۔
ہنڈا نے بتایا کہ اس پیشکش میں ہیڈ لیمپ، سپارک پلگ، اور بریک شوز کی جانچ پڑتال شامل ہے۔ یہ نوٹ کرنا ضروری ہے کہ ‘فری چیک اپ’ کو ‘فری ٹیوننگ’ کے طور پر غلط نہیں سمجھا جانا چاہئے، کیونکہ اس آفر میں ٹیوننگ شامل نہیں ہے،
اس آفر سے کیسے فائدہ اٹھایا جائے؟
“مفت چیک اپ” کی تکمیل کے بعد، مکینک پوچھے گا کہ آیا آپ بائک کے پارٹس کو تبدیل کرنا چاہتے ہیں۔ تاہم، مکینک اس موقع پر یہ بات نہیں بتائے گا کہ آپ ان پارٹس کی تبدیلی کیلئے پیسے ادا کرنے ہیں۔ تمام پارٹس بدل دینے کے بعد مکینک آپ کو ان پارٹس کی ادائیگی کیلئے بل پیش کرے گا جو کہ آپ کو ادا کرنا ہوگا۔
لہذا، اگر آپ ہنڈا کی “مفت چیک اپ” پروموشن سے فائدہ اٹھانے کا ارادہ رکھتے ہیں، تو یہ مشورہ دیا جاتا ہے کہ احتیاط برتیں۔
خیال رہے کہ حالیہ پیشکش گزشتہ دو دنوں میں کمپنی کی جانب سے دوسری یہ دوسری اپڈیٹ ہے۔ اس سے قبل اٹلس ہنڈا نے بائیک کی قیمتوں میں 20000 روپے کا اضافہ کیا تھا۔
ہنڈا بائک کی نئی قیمتیں
- ہنڈا سی ڈی 70 کی قیمت اب 157900 روپے ہوگی جبکہ پرانی قیمت 154900 روپے تھی۔ یعنی بائک کی قیمت میں 3000 روپے اضافہ کیا گیا ہے۔
- ہنڈا سی ڈی 70 ڈریم کی قیمت 165900 روپے سے بڑھ کر 168900 روپے ہو چکی ہے۔ یعنی بائک کی قیمت میں 3000 روپے اضافہ کیا گیا ہے۔
- ہنڈا پرائیڈر کی قیمت 203900 روپے سے بڑھ کر 208900 روپے ہو چکی ہے۔ یعنی بائک کی قیمت میں 5000 روپے اضافہ کیا گیا ہے۔
- اسی طرح کمپنی کی دوسری سب سے مشہور موٹر سائیکل ہنڈا سی جی 125 کی قیمت اب 234900 روپے ہوچکی ہے جبکہ پرانی قیمت 229900 روپے تھی۔ یعنی بائک کی قیمت میں 5000 روپے اضافہ کیا گیا ہے۔
- ہنڈا سی جی 125 SE کی قیمت 275900 روپے سے بڑھ کر 282900 روپے ہو چکی ہے۔ یعنی بائک کی قیمت میں اب 7000 روپے اضافہ ہو چکا ہے۔
- ہنڈا 125 F CB کی قیمت میں 10000 روپے اضافہ ہو چکا ہے۔ جس کے بعد بائک کی قیمت 390900 روپے سے بڑھ کر 380900 روپے ہو چکی ہے۔
- ہنڈا 150 F کی نئی قیمت 493900 روپے ہو چکی ہے جبکہ پرانی قیمت 473900 روپے ہے۔ یعنی بائک کی قیمت میں 10000 روپے اضافہ کیا گیا ہے۔
- آخر میں CB 150F SE کی قیمت میں 20000 روپے اضافہ ہوا ہے جس کے بعد بائک کی قیمت 477900 روپے سے بڑھ کر 497900 روپے ہو چکی ہے۔
