کِیا اور ہیوںڈائی کے بعد بائک (BAIC) نے بھی BJ40 پلس کی قیمتو میں اضافہ کر دیا ہے۔
کمپنی نے 25 جولائی 2022 کو ایک باضابطہ نوٹس جاری کیا جس میں بتایا گیا کہ BJ40پلس کی نئی ایکس فیکٹری قیمت اب 9495000 روپے ہے جبکہ گاڑی کی پرانی قیمت 8199000 روپے تھی۔ یعنی گاڑی کی قیمت میں 1296000 روپے اضافہ کیا گیا ہے۔ نئی قیمتیں 25 جولائی 2022 سے لاگو ہوں گی۔ خیال رہے کہ جن صارفین نے 25 جولائی 2022 سے پہلے پوری رقم ادا کر دی ہے۔ انہیں کوئی اضافی رقم ادا کرنے کی ضرورت نہیں ہے۔
کمپنی نے یہ بھی کہا ہے کہ قیمت میں اضافے کی وجہ پاکستانی روپے کی قدر میں کمی ہے۔ موجودہ معاشی صورتحال کے پیش نظر دیگر کمپنیوں نے اپنی گاڑیوں کی قیمتوں میں اضافہ کر دیا ہے۔ گاڑیوں کی قیمتوں میں اضافے کی یہ چوتھی لہر ہے اور اس کے جلد رکنے کا کوئی امکان نہیں ہے۔
