نئی گاڑیوں کی قیمتیں بڑھنے کی وجہ سے اب یہ گاڑٰیاں متوسط طبقے کی پہنچ سے دور ہوتی جا رہی ہیں۔ جس کی وجہ سے اب استعمال شدہ گاڑی خریدنا ہی آخری آپشن بچتا ہے۔
دوسری جانب گاڑیوں کی قیمتوں کے ساتھ ساتھ پیٹرول کی قیمتوں میں بھی مسلسل اضافہ ہو رہا ہے۔ اسی لیے ہم بہترین فیول ایوریج کیساتھ اور سستی استعمال شدہ گاڑیوں کے بارے بات کریں گے جو آپ 2022 میں بآسانی خرید سکتے ہیں۔
1- جاپانی 660 سی سی سوزوکی آلٹو
اس فہرست میں پہلی کار امپورٹڈ 660 سی سی سوزوکی آلٹو ہے۔ واضح رہے کہ لوکل اور امپورٹڈ آلٹو دونوں کی فیول ایوریج اچھی ہے جو کہ شہر میں تقریبا 18 سے 19 کلومیٹر فی لیٹر ہے لیکن امپورٹڈ آلٹو کی ایوریج لوکل سے کسی حد تک بہتر ہے۔ اس کے علاوہ یہ گاڑی لوکل سے کہیں زیادہ پاورفُل، محفوظ اور پرسکون ہے۔
جاپانی آلٹو میں ہیٹڈڈ سیٹس، ہیٹڈ سٹیرنگ، کروز کنٹرول، پیڈل شفٹرز وغیرہ جیسے فیچرز دیکھنے کو ملتے ہیں۔ اگر آپ آلٹو خریدنا چاہتے ہیں تو امپورٹڈ آلٹو خریدنے کو ترجیح دیں۔ اس کے لیے آپ کو 1 سے 2 لاکھ روپے اضافی رقم ادا کرنا ہوگی۔
استعمال شدہ جاپانی سوزوکی آلٹو کی قیمت 10 سے 22 لاکھ روپے تک ہے اور پاک ویلز پر آپ کو اس طرز کی بہت سی آپشنز موجود ہیں۔
2- ہنڈا این وَن
اگر آپ ایک ویلیو فار مَنی ہیچ بیک کی تلاش میں ہیں تو یقینا این وَن کی بہترین آپشن ہے۔ اس گاڑی میں 660 سی سی انجن دیا گیا ہے۔ گاڑی کی فیول ایوریج شہر میں 14 سے 16 کلومیٹر فی لیٹر ہے۔ اس کے علاوہ گاڑی کا 
انٹیرئیر کافی کشادہ اور جدید ہے جہاں آپ کو بہترین ائیر کنڈیشننگ اور فیکٹری ساؤنڈ سسٹمز جیسے آپشنز ملتے ہیں۔
استعمال شدہ ہنڈا این ون کی قیمت 14 سے 23 لاکھ روپے تک ہے اور پاک ویلز کی ویب سائٹ پر اس طرز کی 50 سے زائد گاڑیاں موجود ہیں۔
3- سوزوکی کلٹس EFI
اگر آپ جاپانی امپورٹڈ گاڑیوں پر مقامی ہیچ بیکس کو ترجیح دیتے ہیں تو پرانی جنریشن کی سوزوکی کلٹس آپ کے لیے ایک بہترین انتخاب ہو سکتی ہے۔ اس کی نہ صرف فیول ایوریج اچھی ہے بلکہ یہ قابل بھروسہ کاروں میں سے ایک ہے اور اس کی دیکھ بھال بھی آسان ہے۔ ہر مکینک اس گاڑی کو بہترین طریقے سے جانتا ہے جبکہ اس کے سپئیر پارٹس بھی بآسانی دستیاب ہوتے ہیں۔
گاڑی کی شہر میں فیول ایوریج 14 کلومیٹر فی لیٹر جبکہ ہائی وے پر 19 کلومیٹر فی لیٹر ملتی ہے۔ یہ گاڑی اچھی روڈ گرِپ کے ساتھ کافی کشادہ اور پرسکون ہے۔
استعمال شدہ سوزوکی کلٹس یورو-II 7 سے 13 لاکھ روپے کی قیمت میں فروخت کیلئے دستیاب ہے۔
4- 4ویں یا 5ویں جنریشن ہنڈا سٹی
چھوٹی کاروں یعنی ہیچ بیکس کے بعد آئیے 2022 میں خریدنے کے لیے سستی اور اچھی فیول ایوریج والی استعمال شدہ سیڈان کے بارے میں بات کرتے ہیں جو کہ ہنڈا سٹی کے 4ویں اور 5ویں جنریشن کے ماڈلز ہیں۔ یہ دونوں گاڑیاں بہترین ویلیو فار منی فیملی کار ہیں۔
پرانے 4 جنریشن کے ماڈل کی شہر میں فیول ایوریج 12 سے 15 کلومیٹر فی لیٹر فیول اوسط ہے۔ اسی طرح 5ویں جنریشن کے ماڈل کی شہر میں فیول ایوریج 14 سے 17 کلومیٹر فی لیٹر ہے لیکن اس کار میں ایئر بیگز کی کمی ہے۔
دونوں گاڑیوں میں مناسب سیٹنگ اور ٹرنک سپیس موجود ہے اور اس کے سپئیر پارٹس بھی کافی سستے ہیں۔
آپ کو بہت سی استعمال شدہ 4 جنریشن ہنڈا سٹی گاڑیاں 9 سے 16.5 لاکھ روپے کی قیمت میں مل سکتی ہیں۔ اسی طرح استعمال شدہ 5 جنریشن ہنڈا سٹی کی قیمت 14 سے 28 لاکھ روپے تک ہے۔
5- 10 جنریشن 1600 سی سی ٹویوٹا کرولا GLi آٹومیٹک
اگر آپ ٹویوٹا کے مداح ہیں اور استعمال شدہ سیڈان خریدنا چاہتے ہیں تو 10 جنریشن 1600 سی سی ٹویوٹا کرولا GLi آٹومیٹک بہترین آپشن ہو سکتا ہے۔ گاڑی کی شہر میں فیول ایوریج 12 سے 12.5 کلومیٹر فی لیٹر ہے۔
تمام کرولا گاڑیوں کی طرح اس گاڑی کا انٹیرئیر اور بوٹ سپیس کافی کشادہ ہے۔ گاڑی کے سپئیر پارٹس بھی مارکیٹ میں بآسانی دستیاب ہیں۔
استعمال شدہ 10 جنریشن 1600 سی سی ٹویوٹا کرولا GLi آٹومیٹک کی قیمت 19 سے 25 لاکھ تک ہے۔
6- ٹویوٹا ایکوا
ہم ایندھن کی بچت والی کاروں کی فہرست میں ہائبرڈ کو کیسے چھوڑ سکتے ہیں؟ اسی طرح ٹویوٹا ایکوا استعمال شدہ ہائبرڈ گاڑیوں میں سے پہلا انتخاب ہے۔ یہ ایک طاقتور، قابل اعتماد، آرام دہ اور محفوظ کار ہے۔
ایکوا ایک 1500 سی سی ہائبرڈ کار ہے جس کی شہر میں فیول ایوریج 16 سے 18 کلومیٹر ہے۔ اس گاڑی کا انٹیرئیر بھی کافی کشادہ ہے۔ اس کے علاوہ یہ ایک پر سکون، بہترین سیفٹی فیچرز اور اچھی روڈ گرپ والی کار ہے۔
بہت سی استعمال شدہ ٹویوٹا ایکوا 19 سے 30 لاکھ روپے کی قیمت میں دستیاب ہیں۔
یہی کچھ گاڑیاں ہیں جو آپ 2022 میں آپ خرید سکتے ہیں جن کی فیول ایوریج کافی بہتر ہے۔
