کِیا نے ایک بار پھر اپنی گاڑیوں کی قیمتوں میں اضافہ کر دیا ہے۔ کِیا لکی موٹرز کے ایک نوٹیفکیشن کے مطابق یہ اقدام پاکستانی روپے کی امریکی ڈالر کی قدر میں کمی کے باعث اٹھایا گیا ہے۔ کمپنی نے کہا ہے کہ اس کے علاوہ سپئیر پارٹس کی درآمد پر عائد شدہ فریٹ میں بھی نمایاں اضافہ ہوا ہے۔ جس کے باعث قیمتوں میں اضافہ کیا گیا ہے۔
نئی قیمتیں یکم مارچ 2022 سے لاگو ہوں گی۔ یہ بات قابل ذکر ہے کہ گزشتہ دو ماہ میں قیمتوں میں یہ دوسرا اضافہ ہے۔
کِیا گاڑیوں کی نئی قیمتیں
نوٹیفکیشن کے مطابق گاڑیوں کی نئی قیمتیں یہ ہیں۔
کِیا پکانٹو
پکانٹوM/T کی نئی قیمت 2400000 روپے ہے جبکہ پرانی 2186000 ہے۔ یعنی گاڑی کی قیمت میں 214000 روپے کا اضافہ دیکھا گیا ہے۔ دریں اثنا، پکانٹو آٹومیٹک کی قیمت 2292000 روپے سے بڑھا کر 2500000 روپے ہے کر دی گئی ہے۔ یعنی گاڑی کی قیمت میں 208000 روپے کا اضافہ کیا گیا ہے۔
کیا سپورٹیج
کِیا سپورٹیج ایلفا کی قیمت میں 236000 روپے کا اضافہ دیکھا گیا ہے جس کے بعد گاڑی کی قیمت 4764000 روپے سے بڑھ کر 5000000 روپے ہو چکی ہے۔ اس کے علاوہ سپورٹیج FWD کی قیمت 5276000 روپے سے بڑھا کر 5500000 روپے کر دی گئی ہے۔ یعنی گاڑی کی قیمت میں 224000 روپے اضافہ کیا گیا ہے۔ کِیا سپورٹیج AWD کی قیمت میں 212000 روپے اضافہ کیا گیا ہے جس کے بعد گاڑی کی قیمت 5788000 روپے سے بڑھ کر 6000000 روپے ہو چکی ہے۔
کِیا سٹونک
کِیا سٹونک ایکس کی قیمت میں 400000 روپے کا اضافہ کیا گیا ہے جس کے بعد گاڑی کی قیمت 3750000 سے بڑھ کر 4150000 روپے ہو چکی ہے۔۔ اسی طرح کِیا سٹونک ایکس پلس کی قیمت میں 475000 روپے اضافہ کیا گیا ہے جس کے بعد گاڑی کی قیمت 3975000 روپے سے بڑھ کر4450000 روپے ہو چکی ہے۔
کمپنی نے سورینٹو اور گرینڈ کارنیول کے لیے قیمتوں پر کوئی نظر ثانی نہیں کی حالانکہ سورینٹو کو مقامی طور پر تیار کیا گیا ہے۔ اس کے علاوہ یہ گاڑی کمپنی کے لیے اچھی فروخت کنندہ نہیں ہے۔ کِیا لکی موٹرز نے کمپنی کی طرف سے 50000 سیلز کا جشن منانے کے لیے گزشتہ ماہ سورینٹو کی قیمت بھی کم کر دی تھی۔
قیمتوں میں اس اچانک اضافے کے بارے میں آپ کا کیا خیال ہے؟ کیا آپ کے خیال میں یہ جائز ہے؟ نیچے دئیے گئے کمنٹس سیکشن میں اپنے رائے کا اظہار کریں
