ہائبڑد الیکٹرک وہیکلز اور ٹویوٹا ہائبرڈ گاڑیوں کے شوقین افراد کیلئے اچھی خبر یہ ہے کہ ٹویوٹا انڈس موٹر کمپنی نے مقامی طور پر ہائبرڈ گاڑیاں تیار کرنے کے لیے 100 ملین ڈالر کی سرمایہ کاری کا اعلان کیا ہے۔ پاکستان اسٹاک ایکسچینج کو بھیجے گئے ایک نوٹیفکیشن میں کمپنی نے کہا کہ وہ فنانس ایکٹ 2021 میں کچھ ٹیکس اور ڈیوٹیز کو کم کرنے کے بعد یہ قدم اٹھا رہی ہے۔ نوٹیفیکیشن میں مزید بتایا گیا ہے کہ کمپنی یہ رقم اگلے 3 سالوں میں پراجیکٹ پر خرچ گی۔ یہ سرمایہ کاری پلانٹ کی اپ گریڈیشن اور توسیع، سپئیر پارٹس اور دیگر اجزاء کے لوکلائزیشن اور پہلی ہائبڑد الیکٹرک گاڑی کی پیداوار کی تیاری کے لیے مختص کی گئی ہے۔
ٹیکس کے فوائد
فنانس ایکٹ 2021 کے تحت حکومت نے ہائبرڈ گاڑیوں کے پارٹس کی درآمد پر صرف 4 فیصد کسٹم ڈیوٹی (سی ڈی) کا اعلان کیا۔ ان پارٹس میں بیٹری پیکس کیلئے کولنگ سسٹم، ہائبرڈ وہیکل بیٹری وولٹیج کیلئے سینسر، پاور کنٹرول یونٹ، الیکٹرک موٹر اور جنریٹر، بیٹری چارجنگ سسٹم، ہائبرڈ سسٹم کنٹرول اور جنکشن باکس شامل ہیں۔
دریں اثنا، حکومت نے پلگ ان ہائبرڈ الیکٹرک وہیکل کے پارٹس کی درآمد پر 3 فیصد کسٹم ڈیوٹی کا اعلان کیا۔
اس کے علاوہ ہائبرڈ الیکٹرک گاڑیوں کی درآمد اور مقامی فراہمی پر سیلز ٹیکس یہ ہے:
- 1800 سی سی تک کی گاڑیوں پر 5 فیصد
- 1801 سے 2500 سی سی تک کی گاڑیوں پر 75 فیصد
ٹویوٹا ہائبرڈ سیگمنٹ میں کیا آفر کر رہا ہے؟
کمپنی پہلے ہی ٹویوٹا پرائیوس اور کرولا کراس کے CBU یونٹس فروخت کر رہی ہے لیکن اب کمپنی مقامی طور پر تیار کی جانے والی ٹویوٹا ایکوا،12 جنریشن ٹویوٹا کرولا، ٹویوٹا C-HR اور E160 ٹویوٹا کرولا بھی فروخت پیش کر سکتا ہے۔ بلاشبہ ٹویوٹا پاکستان ان کمپنیوں میں شامل ہے جنہوں نے ہائبرڈ کاروں پر ٹیکس میں کمی سے سب سے زیادہ فائدہ اٹھایا۔ کمپنی ہائبرڈ گاڑیوں کو مقامی طور پر تیار کرنے کے لیے طویل عرصے سے آواز اٹھا رہی ہے اور نئی آٹو پالیسی (2026-2021) نے کمپنی کی اس خواہش کو پورا کیا ہے۔
یہ یقینی طور پر مقامی کار مارکیٹ کے لیے ایک بڑا اقدام ہوگا کیونکہ ہائبڑد الیکٹرک وہیکلز کو آٹو انڈسٹری کا مستقبل سمجھا جاتا ہے۔ مقامی طور پر تیار ہونے کے بعد ہائنرڈ گاڑیاں صارفین کے لیے سستی ہوں گی۔
آپ اس بارے میں کیا سوچتے ہیں۔ نیچے دئیے گئے کمنٹ سیکشن میں اپنی رائے کا اظہار کریں۔
