پاکستان آٹو موٹیو مینوفیکچررز ایسوسی ایشن (PAMA) نے اکتوبر 2021 کے لیے کاروں کی سیل سے متعلق ماہانہ رپورٹ شائع کی ہے۔ واضح رہے کہ PAMA کے چار ممبران (پاک سوزوکی، ٹویوٹا انڈس، ہونڈا اٹلس، اور ہنڈائی نشاط) اور کِیا نے ستمبر میں 25000 سیلز مارک حاصل کیا تھا۔
اب گاڑیوں کی فروخت 25000 یونٹس سے کم ہو کر 21000 یونٹس ہو گئی ہے جو ماہ بہ ماہ 6 فیصد کم ہے۔ اگر ہم کِیا کی سیل کو شامل کرتے ہیں تو اکتوبر کی فروخت 24000 بن جاتی ہے، جو ستمبر کی 25000 فروخت سے 4% کم ہے۔
کمپنی وائز سیلز بریک ڈاؤن
پاک سوزوکی موٹرز کیجانب سے گاڑیوں کی فروخت میں کمی دیکھی گئی ہے۔ گزشتہ ماہ اکتوبر میں 10247 یونٹس فروخت ہوئے۔ (ماہ بہ ماہ کمی: 8.41 فیصد)
ہنڈا اٹلس نے اکتوبر میں صرف 2658 یونٹس فروخت ہونے کے ساتھ گاڑیوں کی فروخت میں بھی کمی دیکھی ہے۔(ماہ بہ ماہ کمی: 26.88فیصد)
ٹویوٹا انڈس موٹرز کیلئے یہ ماہ اچھا رہا۔ کمپنی نے اکتوبر 2021 میں 6897 یونٹس فروخت کیے۔(ماہ بہ ماہ کمی: 9.68 فیصد)
ہیونڈائی نشاط کی سیلز میں بھی اضافہ ہوا اور یوں کمپنی نے اکتوبر 2021 میں 1064 یونٹس فروخت کیے۔ (ماہ بہ ماہ کمی: 10.37 فیصد)
دیگر تمام کار کمپنیاں جیسا کہ کِیا لکی موٹرز، ماسٹر چنگان موٹرز، ریگل موٹرز، ایم جی موٹرز اور الحاج موٹرز پاما کی ممبر نہیں ہیں۔ اسی لیے ان کی سیلز اس رپورٹ میں پیش نہیں کیا گئیں۔
کار وائز سیلز بریک ڈاؤن
ہمیشہ کی طرح، سوزوکی آلٹو پاک سوزوکی کی سب سے زیادہ فروخت ہونے والی گاڑی کے طور پر سامنے رہی۔ اکتوبر 2021 میں اس گاڑی کے 5092 فروخت ہوئے۔ کمپنی نے سوزوکی کلٹس کے 1340 یونٹس، سوزوکی ویگن آر کے 1291 یونٹس، سوزوکی بولان کے 1071 یونٹس، اور سوزوکی کے 23 یونٹس فروخت کیے۔
ٹویوٹا انڈس نے یارس کی سب سے زیادہ 2037 یونٹس فروخت کیے، اس کے بعد کرولا کے 3341 یوںٹس، ہائی لکس کے 647 یونٹس اور فورچیونر کی 872 یونٹس فروخت ہوئے۔
اسی طرح ہنڈا اٹلس نے سوک اور سٹی کے 2651 یونٹس اور BR-V کے صرف 7 یونٹ فروخت کیے۔
ہیونڈائی نشاط نے ٹوسان کے 350 یونٹس، ایلانٹرا کے 312 یونٹس، سوناٹا کے 255 یونٹس، اور پورٹر کے 147 یونٹس فروخت کیے۔
مندرجہ بالا تمام کاروں کی فروخت کا ماہ بہ ماہ موازنہ یہ ہے۔
مجموعی طور پر اکتوبر میں کار کمپنیوں کی سیلز اچھی رہیں۔ ٹویوٹا انڈس اور ہیونڈائی نشاط نے سیلز میں اضافہ دیکھا جبکہ پاک سوزوکی اور ہنڈا اٹلس کی فروخت میں قدرے کمی ہوئی ہے۔ ہمارے تجزیے کے مطابق، پاک سوزوکی کی فروخت میں کمی آئی کیونکہ کمپنی نے کلٹس اور آلٹو ویرینٹس کی بکنگ معطل کر دی تھی۔ دوسری جانب کیا سٹونک کی متوقع لانچ کی وجہ سے ہںڈا اٹلس کی فروخت میں کمی واقع ہوئی ہے۔
گاڑیوں کے تمام ماڈلز کی قیمتیں حال ہی میں بڑھی ہیں تو آئیے دیکھتے ہیں کہ آنے والے مہینوں میں کیا ہوتا ہے۔
