لاہور اسلام آباد موٹروے پر دو الیکٹرک وہیکل چارجنگ سٹیشنز کی سہولت

پاکستان میں الیکٹرک گاڑیوں کے مالکان کیلئے خوشخبری یہ ہے کہ بھیرہ انٹرچینج اور پنڈی بھٹیاں کے مقام پر EV چارجنگ سٹیشن کا افتتاح کر دیا گیا ہے جس کے بعد اب آپ کے پاس بھیرہ انٹرچینج اور پنڈی بھٹیاں پر اپنی گاڑی چارج کر سکتے ہیں اور اپنی الیکٹرک گاڑی پر لاہور سے اسلام آباد کا سفر انجوائے کر سکتے ہیں۔ “چن EV سٹیشن” ٹیسلا انڈسٹریز پاکستان کا ایک نجی منصوبہ ہے جس کا نام ندیم افضل چن کے نام پر کھا گیا ہے۔ خیال رہے کہ وزیر اعظم پاکستان کے سابق ترجمان رہ چکے ہیں۔ ندیم افضل چن نے افتتاحی تقریب میں بطور مہمان خصوصی شرکت کی۔

چن EV سٹیشن کے بارے میں چند اہم معلومات یہ ہیں:

• یہ اسٹیشن بھیرہ ساؤتھ سروس اسٹیشن کے ایگزٹ پر واقع ہے۔
• یہاں 4 high-end ultra-fast EV چارجنگ پوسٹس دی گئی ہیں جن میں سے تین یورپین EVs جبکہ ایک جاپانی الیکٹرک گاڑی کے لیے مختص کی گئی ہے۔
• تمام چارجرز میڈ اِن پاکستان ہیں۔
• یہاں ایک وقت میں چار الیکٹرک گاڑیاں چارج کی جا سکتی ہیں۔
• 30 منٹس میں گاڑی کو 100 فیصد چارج کیا جا سکتا ہے۔
• فی یونٹ چارجنگ لاگت 60 سے 70 روپے ہوگی

پاکستان میں الیکٹرک گاڑیاں:

پاکستان میں الیکٹرک اور ہائبرڈ کاروں کی تعداد بہت محدود ہے۔ BMW i8 Audi e-Tron, MG ZS EV, Toyota Prius پاکستانی سڑکوں پر دیکھی جا سکتی ہیں جنھیں اب بآسانی 30 منٹس میں بھیرہ چارجنگ سٹیشن پر چارج کیا جا سکتا ہے۔ یہ یقینا ایک اچھی خبر ہے کیوں کہ اس سے قبل لوگ الیکٹرک گاڑیاں صرف شہر میں ہی چلانے پر مجبور تھے لیکن اب ایسا نہیں ہے۔ اب الیکٹرک گاڑیوں کے مالکان لاہور سے اسلام آباد کا سفر آسانی سے کر سکتے ہیں۔

بہت سے شہریوں کو شکوہ تھا کہ موٹروے پر الیکٹرک گاڑیوں کو چارج کرنے کی سہولت میسر نہیں ہے لیکن اب چن چارجنگ سٹیشن کے افتتاح کے بعد یہ مسئلہ بھی ختم ہو چکا ہے۔

کیا آپ پاکستان کے پہلے الٹرا فاسٹ EV چارجنگ اسٹیشن کے افتتاح کے بعد خوش ہیں یا ابھی بھی آپ کے دل میں خدشات باقی ہیں۔ نیچے دئیے گئے کمنٹ سیکشن میں اپنے خیالات کا اظہار کریں۔