کئی دنوں کے انتظار کے بعد آخر چنگان نے اپنی کراس اوور ایس یو وی اوشان X7پر نئی آفر کا اعلان کر دیا ہے۔ کمپنی کی جانب سے شئیر کی گئی سوشل میڈیا پوسٹ کے مطابق گاڑی پر 300000 روپے کی آفر لگائی گئی ہے۔ یعنی اگر آپاب اوشان X7 بُک کرتے ہیں تو آپ کو 300000 کی بچت آفر ملے گی۔ یعنی کہ آپ کو 830000 روپے کی بجائے 7999000 روپے ادا کرنا ہوں گے۔
خیال رہے کہ یہ آفر 31 جنوری 2024 تک لاگو ہے۔
اس کا مطلب ہے کہ یہ پیشکش گاڑی کے کمفرٹ ویرینٹ پر دی گئی ہے، جس کی اس وقت قیمت 8299000 روپے ہے جو کہ 7 سیٹر ہے۔ لہذا، اگر آپ X7 خریدنے کا سوچ رہے ہیں تو یہ آپ کے لیے ایک اچھا موقع ہے۔
“آن” سے “آف” تک کا سفر
چنگان واحد کمپنی نہیں ہے جس نے اس طرح کی رعایتی پیشکش دینا شروع کی ہے۔ گزشتہ سال کے دوران، متعدد کمپنیوں نے اپنی گاڑیوں پر مفت رجسٹریشن، پرائس لاک اور مفت انشورنس سمیت مختلف آفرز پیش کیں۔ گزشتہ سال پاکستانی کار مارکیٹ “آن” سے “آف” میں تبدیل ہو گئی ہے۔ اس سے پہلے، تقریباً تمام کاریں آن پر دستیاب تھیں یعنی آپ کو گاڑی خریدنے کے لیے آن کی صورت میں اضافی رقم ادا کرنی پڑتی تھی۔
تاہم، غیر مستحکم اقتصادی صورتحال اور سیلز میں کمی نے کار کمپنیوں کو ایسی پیشکشیں متعارف کرانے پر مجبور کر دیا ہے۔ افسوس کی بات یہ ہے کہ مستقبل قریب میں انڈسٹری کی حالت ایسی ہی رہے گی اور ملکی معیشت کو اپنے پیروں پر کھڑا ہونے میں کافی عرصہ لگ سکتا ہے۔ حالیہ ماضی میں بار بار قیمتوں میں اضافے کی وجہ سے کاریں عام آدمی کی پہنچ سے باہر ہو گئی ہیں، جس نے گاڑیوں کی فروخت پر بہت اثر ڈالا ہے۔
اسی طرح پاما رپورٹ کے مطابق ان حالات کی وجہ سے 2023 میں کاروں کی فروخت میں 60 فیصد سے زیادہ کمی واقع ہوئی۔ پھر بھی، ہم امید کرتے ہیں کہ 2024 کار انڈسٹری اور مارکیٹ کے لیے اچھا سال ثابت ہوگا۔
Oshan X7 پر Changan پر دی گئی پیشکش کے بارے میں آپ کے کیا خیالات ہیں؟ کمنٹس سیکشن میں ہمیں بتائیں۔
