دیوان موٹرز نے الیکٹرک کار Honri Ve لانچ کر دی – فیچرز و دیگر خصوصیات

دیوان موٹرز نے ایکو گرین موٹرز لیمیٹڈ کے تعاون سے آج پاکستان میں اپنی پہلی چھوٹی الیکٹرک گاڑی Honri Ve لانچ کر دی ہے۔ گاڑی کی رونمائی کراچی میں ایک تقریب کے دوران ہوئی جس میں کمپنی کی اعلیٰ انتظامیہ نے شرکت کی۔ گاڑی کے فیچرز و دیگر خصوصیات یہ ہیں۔

گاڑی کا سائز

Honri Ve 3517 ملی میٹر لمبی، 1495 ملی میٹر چوڑی اور 1660 ملی میٹر اونچی ہے جبکہ وہیل بیس 2495 ملی میٹر اور گراؤنڈ کلئیرنس 130 ملی میٹر ہے۔

پرفارمنس

کمپنی کے مطابق گاڑی میں ٹرنری لیتھیم بیٹری اور پرمنینٹ سنکرونس موٹر دی گئی ہے جو  30Kwپاور اور 84 نیوٹن میٹر ٹارک کے ساتھ 100 کلومیٹر فی گھنٹہ رفتار رکھتی ہے۔ مزید برآں، کار کا چارجنگ ٹائم 7 گھنٹے ہے جبکہ اس کی رینج 200 کلومیٹر فی چارج ہے۔

اس کے علاوہ یہ کار اکانومی اور سپورٹس ڈرائیونگ موڈز اور ری جنریٹیو بریک سسٹم کے ساتھ آتی ہے۔

ایکسٹیرئیر

کار کے بروشر میں بتایا گیا ہے کہ یہ گاڑی فرنٹ ڈسک بریک ہیں اور رئیر میں ڈرم بریکس کے ساتھ آتی ہے۔ 155/65/R15 سائز کے ساتھ الائے رمز دئیے گئے ہیں۔ مزید یہ کہ گاڑی میں رئیر سپوئلر اور ہیلوجن ہائیٹ ایڈجسٹ ایبل فرنٹ ہیڈ لیمپس آتے ہیں۔ ڈوئل ٹون سائیڈ ویو مررز کے ساتھ اشارے، کروم اور بلیک فرنٹ گرل، اور ڈی آر ایل بھی گاڑی میں ںظر آتے ہیں۔

انٹیرئیر

گاڑی کے انٹیرئیر کی بات کریں تو یہاں الیکٹرک پاور سٹیئرنگ، نوب ٹائپ ٹرانسمیشن، ڈرائیور اور پیسنجرز دونوں کے لیے 4 طرفہ سیٹ ایڈجسٹمنٹ، ریئر ویو کیمرہ، فرنٹ اور رئیر الیکٹرک ونڈوز، رئیر سیٹ فولڈنگ، 5 انچ کلر انسٹرومنٹ کلسٹر، 10.25 اینڈرائیڈ سسٹم اور 220 وولٹ کا AC چارجنگ گن کے ساتھ انچ کی انفوٹینمنٹ اسکرین دیکھنے کو ملتے ہیں۔

سیفٹی فیچرز

اس نئی الیکٹرک گاڑی میں اینٹی لاک بریکنگ سسٹم، بریکنگ فورس ڈسٹری بیوشن سسٹم، ایئر بیگ، ٹائر پریشر مانیٹرنگ سسٹم، چائلڈ سیٹ انٹرفیس، لو سپیڈ پیڈسٹرین وارننگ، ڈرائیونگ کے دوران آٹومیٹک لاک، آٹومیٹک ان لاک آفٹر کولیژن اور رئیر پارکنگ سینسرز دئیے گئے ہیں۔

آپ نئی Honri Ve کے بارے میں کیا سوچتے ہیں؟ کیا آپ کو لگتا ہے کہ یہ کامیاب رہے گی؟ کمنٹس سیکشن میں ہمیں بتائیں۔