ہمارے معتبر ذرائع نے اشارہ دیا ہے کہ لکی موٹر کارپوریشن 2024 میں کِیا کی جدید ترین الیکٹرک گاڑیوں رینج متعارف کرا سکتی ہے، تاہم اس کے بارے میں قیاس آرائیاں عروج پر ہیں کہ کون سا ماڈل متعارف کرایا جا سکتا ہے۔ عالمی سطح پر کِیا نے نیویارک میں 2024 کے ورلڈ کار ایوارڈز میں EV9 کو ‘ورلڈ کار آف دی ایئر’ اور ‘ورلڈ الیکٹرک وہیکل’ کے ساتھ باوقار ٹائٹل حاصل کیے ہیں۔
یہ اعزاز کِیا کی جدت اور ڈیزائن میں عمدہ کارکردگی کو اجاگر کرتا ہے۔ اسی طرح کِیا EV6 نے 30 سے زیادہ بین الاقوامی اعزازات حاصل کیے ہیں، جیسا کہ 2022 کی ‘یورپین کار آف دی ایئر’ اور 2023 شمالی امریکہ کی یوٹیلٹی وہیکل آف دی ایئر وغیرہ۔
اسی طرح کِیا EV3اور EV5 ماڈلز کا حالیہ لانچ بھی EV مارکیٹ میں کافی جوش پیدا کر رہا ہے۔ کمپنی سے توقع کی جاتی ہے کہ وہ پاکستان میں بھی وسیع رینج، جدید خصوصیات، اور ڈرائیونگ کے لحاظ سے بہترین الیکٹرک گاڑیاں لانچ کریں گے جس سے صارفین کیلئے مزید الیکٹرک آپشنز موجود ہوں گی۔
اگر یہ قیاس آرائیاں درست ہیں تو Kia کا پاکستان کی EV مارکیٹ میں داخلہ گیم چینجر ثابت ہو سکتا ہے۔ جدید ٹیکنالوجی اور بہترین ڈیزائن کے ساتھ کِیا پاکستان میں الیکٹرک مارکیٹ میں انقلات پیدا کرنے کیلئے تیار ہے۔ یہ ممکنہ اقدام ایک پائیدار مستقبل کی طرف ایک اہم قدم کی نمائندگی کرتا ہے۔
